Thursday, 30 October 2014
Arondino Croes cu hopi critica riba seguridad pa pone e tram core den pura aworaki Print E-mail
Thursday, 14 February 2013 09:58
DSC_2063

Den conferencia di prensa di partido MEP parlamentario Arondino Croes a bisa cu e tin preguntanan skerpi pa haci tocante e compania cu ta asegura e tram. 

E parlamentario den fraccion di MEP kier sa cua ta e compania aki ta pasobra e ta crea un precedente riba diferente aspecto, un di nan ta con manjan ta bay pone ordo riba autonan cu nan plachi number a caduca of riba autonan cu nan seguro a caduca.


E la bisa cu ta imposible cu un compania serio por asegura un tram bao circumstancianan cu e leynan no ta cla. El a bisa cu tur auto cu ta core na Aruba mester ta sigura asina sea e tram un bus of auto particular. E tin critica pa prome minister cu a bisa cu mester usa creatividad, pa tapa e parti aki cu mester cumpli cune.


Ora e ley a bay Raad van Advies esaki a bin bek pa gobierno cu e remarca cu no ta corecto y nan mester a bolbe trahe pasobra tin turismo na Aruba cu mester core den tram. El a critica tambe e hecho cu gobierno a bisa cu nan ta bay pone polis pa escolta e tram, pero e ta haya hopi iresponsable cu no ta regla den e ley ken ta bay para responsible en caso cu e tram dal un auto, un bromer of un hende of si un turista cay for di e tram.


Na su opinion e ta hopi iresponsable di prome minister, pasobra si e ta papia di un plan integral y di maneho pa haci cambio sostenible di economia, pa turismo y pa trece otro ambiente den Playa, e mester a cumpli cu e ley for di hopi tempran caba. Segun Arondino esaki ta duna indicacion cu gobierno no a planifica e renovacion di Caya Grandi, tampoco tabata tin un plan integral, y cu esaki ta un maneho ad hoc. MEP ta condena e hecho pasobra ora bin un incidente cu e tram e ora ey ta bay wak cu e problema ta bin.


E parlamentario a bisa tambe cu prome minister kier pa turistanan cuminza core den tram pa disfruta di Caya Betico Croes, pero loke tin bao construccion den e caya no ta un bon impresion pa turismo na Aruba, pasobra e situacion ta hopi caotico y nan ta bay puntra si esaki ta e tipo di gobierno cu ta maneha e pais aki y e kier sa ki clase di turismo gobierno ta trek pasobra e no ta eco turismo cu tur clinkers kibra y caya yen di fayo y awa para ora ta yobe. E no ta kere cu e tram ta prioridad si e no ta duna seguridad den trafico.

Comentarionan (1)Add Comment
R.R. Ras
February 14, 2013
201.229.2.50
Votes: +2
...

Dino Dino, unda bo ta kere cu e mayoria cu a vota pa e gobierno aki ta biba? E wega di mucha nan aki pueblo ta bay stop nan pasobra loke nos mester ta hende nan capabel pa traha pa Aruba y pa yuda trece e paz y trankilidad cu tanto nos ta anhela pe y no persona nan menra boso cu tin como meta instiga, manipula y trata di lanat pueblo cotra otro.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter