Sunday, 26 October 2014
Edison Briesen: Proyecto di Vader Piet a tuma hopi aña di preparacion cauteloso Print E-mail
Thursday, 14 February 2013 01:02

Eddie Briesen006

Den conferencia di prensa di MEP ing. Edison Briesen a critica e forma con Mike Eman y AVP ta hasi manera cos cu e tema di energia alternativo ta algo di AVP. Briesen a demostra cu prueba cu desde anja 2002 un grupo a presenta un plan na gobierno di MEP cu por genera 60 MW.

Na juni di 2004 WEB a manda bisa e grupo cu WEB ta bin cu su propio parke di 10 MW, pues cu WEB mes lo hasie. Despues WEB a bin cu e grupo cu finalmente a pone e 10 molinanan na Vader Piet. Pues ta desde 2002 caba nan a aserca gobierno di MEP y Briesen mes a papia cu varios grupo. Esun cu ta papia cu e parke di Molina na Vader Piet ta un experimento, ta equiboca. Gobierno di MEP pa varios anja a traha riba e proyecto aki. Pero tambe e inversionnan den e motornan Recip y e SWRO I y II, cual ta te ainda e UNICO inversionnan cu realmente a baha prijs di consume. Briesen a reacciona tambe riba parlamentario Lorna Varlack y Donny Rasmijn cu kier pretende cu ta den 9 dia gobierno di MEP a pasa e proyecto di Vader Piet. Esaki ta absurdo, y Briesen a demostra cu copianan di corant y demas documento di anjanan 2002 y 2004. Ing. Edison Briesen kier a refresca memoria di Lorna Varlack y Donny Rasmijn cu dia 14 di november 2004 WEB a tene un hearing na YMCA, un audiencia publico pa henter e pueblo di San Nicolas. Cu e tempo ey Lorna Varlack y Donny Rasmijn tabata na sonjo y no tabata tin interes den e pueblo di San Nicolas ta nan problema, pero gobierno si a cumpli. Tabata tin un rapport MER disponible pa tur cu tabata kier e. Tur tipo di informacion a wordo duna. Pues no ta asina cu ta den 9 dia a aproba e proyecto. Ademas, si berdad Lorna Varlack ta haya cu e proyecto di Vader Piet ta hole, manera ela skibi den un articulo, dicon e no a bai Ministerio Publico? Stop di papia y tuma accion. Pero e berdad ta cu nan ta usa argument fofo y hopi swak, pasobra nan no tin forma pa hustifica con nan a punjala e pueblo di pariba di brug door di vota contra e mocion di MEP pa evalua Vader Piet.

Comentarionan (6)Add Comment
Bounty Hunter
February 16, 2013
201.229.15.107
Votes: +0
...

E Rey de Copas aki deliria atrobe. E no ta ni corda cu ta su propio lidercita ewc a bisa cu ta un expeimento MEP a hasi na Vader Piet.Halooooo bin bei.

Agrepina Rasmijn
February 14, 2013
201.229.47.253
Votes: +1
...

Whahaha...awo kier corre bin cu storia nechi den prensa. Ta cuanto MW nan ta produciendo?? Boso ta papiando di hopi menos...so boso mester ser teni responsabel pa ganja pueblo. Proximo elecshon boso lo hanja un merecido skop atrobe.

R.R. Ras
February 14, 2013
201.229.2.50
Votes: +0
...

Su lider mes ta bisa cu MEP a bin cu esaki com un experimento y awor e kier papia di hopi aña di estudio anto loke MEP ta inga pe pa loke ta e cas nan di as serca na Urirama anto esun nan di Vaderpiet si tin cas nan mas serca di e parke aki. Eddy stop di kier purba di tuma un pueblo haci. Pero danki toch pasobra esaki ta prueba di boso inconsisitencia y wega politico.

Justicia
February 14, 2013
83.204.150.92
Votes: +5
...

Dikon boso no a ehecute?

Zombie
February 14, 2013
201.229.81.49
Votes: +8
...

Y cuanto anja a tuma bo pa bin cu e storia aki? smilies/wink.gif

prorubiano
February 14, 2013
201.229.35.155
Votes: +8
...

Eddie ta bo mes un lider di partido a usa e palabra "experimenta" acaso bo no a skucha e tape????? please stop di purba tuma hende haci.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter