| Parlamentario Chris Dammers di AVP: Ley pa traha edificionan multi functional den 5 bario a keda aproba den Parlamento” |
 |
 |
| Wednesday, 13 February 2013 21:01 |
|
E proyectonan aki lo bay crea un mixto di facilidadnan pa metanan pa uzo publico y pa metanan comercial, ariba un escala chikito. E facilidadnan aki mester trece den e barionan – banda di locual e hulpbestuurskantoornan por ofrece - facilidadnan deportivo, cultural, educacion (manera un biblioteca y espacio pa internet), y tambe otro facilidadnan pa duna servicio general y pa bienestar general. Mirando e magnitud di e proyectonan aki por compronde cu e hulpbestuurskantoornan di Noord, Santa Cruz y Savaneta ya no tin espacio pa ampliacion y lo busca otro uzo pa esakinan of lo bende esakinan, y lo traha facilidadnan completamente nobo ariba un otro localidad, incuyendo e hulpbestuurskantoornan. Locual ta di spera ta cu unabes cu e facilidadnan aki ta funcional e actividadnan aki lo percura pa un “spin of effect” di otro comerciantenan cu lo kier establece un of otro negoshi banda di e facilidadnan aki. Por mira cu gobierno a pasa den e trayecto largo di planificacion di mas cu 2 aña, caminda cu a laga traha un programa di exigencianan dor di e compania Hulandes ICS Adviseurs, uzando e modelo (3G) den cual ta tene cuenta cu e uzo, e edificio y e localidad. Den esaki a tende cuenta cu tur e normanan di humanidad pa cu e accesibilidad pa tur hende di e bario y pa tambe pa es nan cu cierto limitacionnan. A selecciona diferente arkitectonan di Aruba cu ya a trece nan plannan dilanti, cual nan tambe a keda presenta durante e reunion di Parlamento. Por papia di edificionan sumamente moderno, funcional y ecologicamente. Cu e edificionan aki Cabinete Mike Eman ta sigui percura cu servicionan cu normal pueblo lo mester bay busca na playa tambe ta disponibel den diferente districtonan ya menciona. |
Mustra/Kita e formulario di comentario
