Wednesday, 30 July 2014
Minister Dr. Richard Visser ta felicita habitantenan di pariba di brug cu apertura di “Cuts & Curves Gym” Print E-mail
Wednesday, 13 February 2013 16:04
DSC_2063
Minister di Salubridad y Deporte, Dr. Richard Visser ta apoya tur actividad, organizacion y empresa priva cu ta busca promove e movecion y deporte na Aruba.

Recientemente, Minister Visser a haci un bishita na e Gym ‘Cuts & Curves’ cu a habri na Savaneta.

E mandatario a laga sa cu esaki ta algo tremendo ya cu e area di Savaneta y San Nicolas tabata tin mester di un gym asina grandi caminda ya caba por wak e acogida. E lugar tin un ambiente hopi fresco, moderno. E ekiponan y e cambernan di spinning y cu nan ta bay bin cune pa MMA y Crossfit, cu por wak den gymnan moderno ta bay tin akinan, el a expresa.

Hopi mas hende ta practicando fitness y esaki ta un desaroyo hopi positivo, el a agrega. “Tin mas gym na Aruba y lugarnan hopi bon, pero esaki ta un cu tabata tin mester di dje pariba di brug. “Pesey nos ta support’e pasobra pa San Nicolas, Savaneta y becindario esaki ta bay ta un gym hopi fuerte y e tin e grandura cu mester pa akinan”.

Den e prome luna tabata tin mas cu 500 hende cu a inscribi caba. Banda di esaki por a wak cu Aruba ta cambiando. Ciclismo a triplifica, hendenan ta cana y ta move. Tin hopi hoben cu ta bezig cu fitness locual ta algo hopi positivo pa salud di Aruba henter, Minister Visser a duna di conoce. Loke ta remarcabel ta cu actualmente ta wak personanan di tur edad activo.grandi y chikito y di tur area na Aruba y ta esaki ta e synergia cu minister Visser ta kere aden. Cada un di nos por motiva un familiar, amigo of colega pa ta activo, esaki ta forma un snowball efect cu consecuentemente lo genera un Aruba cu ciudadanonan mas saludabel.

Jacinto Rasmijn, doño di ‘Cuts & Curves’ a indica cu e gym a habri na December. Despues di a habri un gym na Pardera hopi mas chikito e idea pa habri e gym aki a surgi ya cu pariba di brug hopi hende tabata papia riba e necesidad di un gym. “A base di esey, mi a haya e lugar aki y mi a convierti’e den un gym”, cu ainda falta algun area pa introduci. Rasmijn a manifesta.

Cu esaki Minister Richard Visser kier felicita Savaneta, San Nicolas y becindario, principalmente Jacinto Rasmijn pa e tremendo iniciativa aki cu cual ta motiba nos hendenan pa keda activo y haci movecion. Iniciativanan manera esaki semper lo tin sosten di Minister Visser y su ministerio.

dowers dowers dowers
dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter