Monday, 01 September 2014
Minister Michelle Hooyboer-Winklaar ainda evaluando futuro den politica Print E-mail
Wednesday, 13 February 2013 11:21
DSC_2063
"Mescos cu mi a tuma mi tempo pa evalua na aña 2009 prome cu mi a drenta arena politico, mesun cos lo mi tuma mi tempo awor pa mi evalua si mi ta sigui pa un periodo mas", asina Minister Michelle Hooyboer-Winklaar a duna di conoce durante e conferencia di prensa awe. For di Prensa a sali e pregunta cu si e ta evaluando pa sigui of pa e bandona politica.

Minister Michelle Hooyboer-Winklaar a tuma su retiro como Gerente General di Digicel Aruba na aña 2009 y asina a drenta arena politico riba number 7 riba lista di AVP. Den apenas algun luna di campaña, el a logra 1078 voto riba su nomber y asina a keda nombra como Minister di Asuntonan Economico, Asuntonan Social y Cultura.

Durante e conferencia di prensa a puntr'e cu si e tin problema cu politica engeneral, pa e forma con duro tin biaha sa ataca otro, el a contesta cu esey ta depende con abo mes ta hiba politica. E entodo caso no sa tin e problema ey pasobra su forma di hiba politica tampoco ta inlcui atakenan personal riba ningun otro persona of politico.


Pa loke ta e rol di hende muhe, e ta sinti si cu te ainda tin espacio pa mehoracion y pa e ser femenino, cu ta e mayoria di ciudadanonan biba na Aruba, tin espacio pa mas representacion den varios area, entre otro den politica. Mira con poco hende muhe ta representa den Parlamento y den Conseho di Minister.

Na final, el a subraya cu no tin eleccion mañan, pues tin tempo ainda pa pensa y evalua prome cu dicidi cu si e ta sigui of si e ta bandona politica pa sigui su carera profesional den sector comercial, for di unda el a bin prome cu el a participa den eleccion na aña 2009 y despues nombra como Minister di nos pais.

Michelle Hooyboer-Winklaar tin 43 aña di edad, ta casa y ta mama di un yiu homber y un yiu muher chikito ainda.

Comentarionan (2)Add Comment
Agrepina Rasmijn
February 14, 2013
201.229.47.253
Votes: -1
...

Pensa riba bo yuinan. Bo a hasi un bon trabou. Den economia bo no ta weita fruta mesora y esey hendenan cu ta copronde economia sa. No un tromp cu ta papia soketada, e pober kisas ta un contrincante politico cu no sa mihor.

johan tromp
February 13, 2013
201.229.126.94
Votes: +4
...

Mihor senjora bai cas bai sosega, ja senjora por marca den e curic*lum cu senjora a hasi e function di un minister di un pais. E unico fajo ta cu no a logra nada den sentido di prevenshon di criminalidad den e muchanan i e joven nan. Asina ta senjora, a hasi un bon trabou di chicken down e economia. Pero e team di nobatonan social cu ta rondona senjora ta NUL,NUL.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter