Monday, 01 September 2014
Parlamentario sra. Lorna C. Jansen-Varlack: Nunca por exclui riesgonan di cualkier proyecto of producto pa 100% Print E-mail
Wednesday, 13 February 2013 10:36
DSC_2063
Den bida diariamente nos ta haya nos mes confronta cu riesgo. Pa cu e motibo aki e resultado di e investigacion independiente riba e M.E.R. ta uza e palabra “uitsluiten”pasobra nunca por exclui riesgonan di cualkier proyecto 100%.

E ta un posicion cu tur instancia cu ta evalua un proyecto of un producto ta tuma pa proteha nan mes si en caso algo mester bay robes. E lo ta un actitud hopi arogante di pensa cu algo ta perfecto y nada lo pasa. E speransa tey cu nada lo bay pasa, pero e lo ta un actitud infantil pa exigi esaki. Experiencia di bida ta siña nos pa tene cuenta cu cosnan cu por bay fout y pa prepara nos mes pa e situacionnan aki. Nos ta un pueblo cu a bira hopi mas consciente di nos salud. E conscientisacion no mester wordo limita riba proyecto di Parke di Molina di Urirama so, pero e mester conta pa tur cos den nos bida.Di e “side effects” di remedi, e deodorante cu tin Aluminium Chlorohydrate aden, e lipstick cu tin lood aden, e cuminda ongezond cu nos ta come, e consumo halto di alcohol cu ta dañino pa nos organonan, e consumo di droga, humamento di sigaria, tur cos tin su riesgo(nan) y esey nos no por ignora.

Asta un dokter a confirma cu e aparatonan electrico cu nos ta uza diariamente ta mas dañino pa nos salud cu e molinan y cu e molinan na Urirama no ta un menasa pa salud di e habitantenan. Ta di lamenta cu oposicion di MEP no ta interpreta e palabra”uitsluiten” asina y duna pueblo e splicacion corecto di loke ta skirbi den e raport di e investigacion independiente di e M.E.R. E actitud cu e fraccion di MEP a tuma pa cu e proyecto di e Parke di Molina na Urirama pueblo por conclui cu e partido ta riba su ultimo rosea. Ministernan den nan contestacion a bisa cu a tene cuenta cu tur e argumentonan cu e habitantenan di Urirama y na ningun momento lo ehecuta un proyecto di Parke di Molina di biento, si e por causa algun efecto riba e salud di nos pueblo. Analisando y evaluando tur e raportnan, e evaluacion independiente di e M.E.R., e contestanan di e ministernan y e mocionnan cu a wordo entrega y aproba, fraccion di AVP a sostene e proyecto di e Parke di Molina na Urirama.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter