Wednesday, 22 October 2014
Energia sostenible ta y lo continua un esfuerzo constante di AVP segun Rene Herde Print E-mail
Tuesday, 12 February 2013 23:04

rene

Rene Herde durante e conferencia semanal di prensa a splica cu nan tabata tin un siman cu a pasa basta ocupa, tambe na parlamento. El a splica cu e tema di molina di biento lo keda bin dilanti den diferente aspecto y e parti di educacion ta un di nan.

E intencion di energia sostenible ta pa mantene e prijs di awa y coriente pagable, segun Rene Herde. El a bisa cu e meta ta pa na anja 2020 Aruba yega na 100% di energia alternativo y esaki ta crucial pasobra ya caba ta wordo anuncia mundialmente cu e prijs di awa y coriente ta bay aumenta den e anjanan venidero y pa aki tres anja ya caba e aumento lo ta di 150% y pa e resto di e decada lo alcanza entre 200 pa 400% debi na e aumento riba prijs di petroleo. Cifranan di WEB ta mustra caba cu den e ultimo 7 anjanan pa motibo di e aumento drastico di prijs di petroleo, awa y coriente na Aruba su prijs a subi cu 290% y loke ta spera nos e anjanan venidero ta mucho mas peor y mester prepara nos mes pa esaki. Pa AVP goberna kiermen wak pa dilanti, y pesey nan no por ignora e realidad aki y purba busca solucion. Ya caba e compania Repsol a cuminza riba diamars e siman aki, explora den nos awanan teritorial si tin recursonan natural, sin descuida e otro recursonan cu nos tin na abundancia y cu ta interminable, manera solo, awa y biento, y Aruba ta conta cu e tecnologia pa haci uso di nan y partido AVP lo sigui percura pa esaki, pa nos bienestar economico y nivel di bida di nos hendenan.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter