Saturday, 23 August 2014
Parlamentario Clarisca Velasquez cu observacion riba carnaval 59 Print E-mail
Tuesday, 12 February 2013 21:54

Clarisca Velasquez005

Den e conferencia semanal di fraccion di AVP, Clarisca Velasquez a felicita e pueblo cu nan carnaval 59 bunita y luhoso. El a manda palabranan di pabien na KPA, Rode Kruis, y tur cu a colabora cu esaki. Tambe na AVP mes cu tin 20 anja ta aporta nan cahanan durante e paradanan di carnaval pa e publico deposita sushi, y colabora asina na tene Aruba limpi.

El a bisa cu e cahanan tin hopi bon acogida y te hasta personanan den auto a pidi nan caha pa haci bon uso di nan y yuda tene Aruba limpi. El a gradici Serlimar y DOW tambe pa nan aporte. Di otro banda, el a bisa cu tin algun hende cu a bin pa danja carnaval y polis tabata man yen cu detencion riba esnan cu a comporta nan mes mal, y e ta duna polis razon di a actua cero tolerancia y a detene mas cu 60 hende cu a comete un of otro delito. Kiermen cu esnan cu a faya a haya. Patruya motoriza tambe a haci un bon trabao y a detene 45 chofer coriendo bao influencia di alcohol, y a kita 26 rijbewijs. Clarisca a haci un apelacion na e chofernan pa no viola trafico. El a bisa cu anja pasa so a registra 735 accidente di trafico y pa un isla chikito manera Aruba tin 65 auto ta core ta demasiado. Ela bisa cu mester analiza pakico tin un cifra asina halto pa 2012 y tambe el a pidi precaucion na esnan stuurdo pasobra den mayoria dalmento e chofer mes tin fout, sea cu e ta core bao influencia di alcohol, of ta sobrepasa e velocidad maximo, of ta papiando na su blackberry mientras ta stuur, loke ta un tendencia cu tin na Aruba hopi peligroso. Riba esaki el a bisa cu fraccion di AVP ta bay bin cu un iniciativa di ley, pa reforza e articulo cu tin den e ley di trafico pa asina papia na celular mientras ta stuur bira un delito castigable. Aworaki polis por hala e persona su atencion y dune un procesverbal.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter