Sunday, 21 September 2014
PDR kier trata cu SEPPA situacion cu ta andando den Arubus Print E-mail
Tuesday, 12 February 2013 21:53

Andin Bikker008

Andin Bikker lider di Democracia Real a splica cu nan lo invita SEPPA pa atende cu dos punto. Un di nan ta relaciona cu e caso di investigacion cu ta andando den Arubus, caminda retiro di varios trahador a tuma lugar door di diferencia di opinion tocante caha. Andin Bikker a bisa cu algun die trahadornan aki a acerca PDR pasobra nan nomber a ser mancha y varios tin hopi anja trahando pa Arubus y awor pa un diferencia di opinion di 27 pa 40 florin a ser kita siendo cu e sistema di smartcard tin poco luna cu a ser introduci.

Andin Bikker a splica cu e asunto aki por a wordo resolvi internamente, envez di bin cu un conferencia di prensa y retira tanto trahador asina, trece nan nomber den luz negativo mientras cu hasta e compania ta admiti cu tin kinderziektes den e sistema aki. PDR kier sa e punto di bista di SEPPA cu ta esun cu ta representa tur e trahadornan cu a haya nan mes den e problema lamentable aki na Arubus pasobra nan banda di medaya no a ser treci dilanti te ainda. Na di dos, PDR kier papia cu e sindicato tocante e rutanan di Arubus mirando cu tin kehonan di pasaheronan por escrito y bon documenta, pasobra e compania a dicidi pa kita un par di bus grandi y pone chikito na nan lugar, pero a bin resulta cu nan no ta suficiente pa e demanda cu tin, y tin hende ta yega laat trabao of school, y ora e busnan pasa na cierto camindanan nan ta bin yen caba y e usadornan tin cu bay te na caya grandi pa warda bus grandi, incluyendo hende di edad avanza cu no por cana asina hopi. Rutanan cu Bikker a menciona ta Sabana Basora, Noord, Pos Chikito Complex y Rooi Lamoenchi. Di su banda tambe PDR a manda un carta pa e minister concerni dia 1 di Februari caminda cu e ta puntre si e ta na haltura di e reclamonan cu tin, y kico ta e solucion cu e ta mira pa esaki y cu ta afectando clientenan fiel di Arubus cu ta keha cu e servicio a bay atras.

Comentarionan (2)Add Comment
dog
February 14, 2013
201.229.11.187
Votes: +1
...

Wel, wel, wel .... awor si ta bon, e trahador nan di Arubus tin mas cu diez anja ta chica (horta) e compania anto shon ANDIN kier bin defende e maldad aki, hopi bon, awor nos ta sinja conoce shon Andin.

Bounty Hunter
February 13, 2013
201.229.7.113
Votes: +5
...

Bo ta un homber hopi frustra mescos cu e politico marihuanero y e otro falsificador di diploma cu nan a flush for di MEP. Bosonan ta defende tur loke ta maldad just pa hanja voto pa sobrebibi politicamente. Wel,e golpi di mas duro den boso bida politica lo ta na September proximo. Boso ta busca y boso ta bai haya.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter