Tuesday, 29 July 2014
Andin Bikker ta persisti cu mester para proyecto di Urirama Print E-mail
Tuesday, 12 February 2013 21:51

andin

Den conferencia semanal di prensa di Partido Democracia Real, Andin Bikker a persisti cu e proyecto di molina di biento na Urirama mester para y cu e lo sigui purba convence gobierno di esaki. Bikker no ta contento cu siman pasa e proyecto a ser aproba pa Parlamento door di un mocion di AVP, basa netamente den e rapport di MER Commissie.

El a bolbe menciona e proyecto cu a ser para na Maastricht Hulanda, cu banda di MER Commissie a busca otro opinion cu Gementer a haya mas relevante, y cu ta un estudio haci pa un persona di fam van der Berg pa Universidad di Groningen. Dicho estudio ta bisa cu den un radio di 2 km di distancia, indiscutiblemente ta trece efecto negativo pa salud, y el a bisa cu e preocupacion pa cu Urirama ta sigui. Un delegacion di Staten lo bay Hulanda na inicio di Maart pa un reunion interparlamentario di Reino, pa un average di un siman y Andin Bikker a splica cu PDR lo probecha pa acerca diferente representante di Maastricht y tambe lo purba papia cu van der Berg cu a haci e estudio pa Universidad di Groningen, pa wak si e por contraresta e argumento di MER Commissie cu e ta haya fofo y cu ta e base di e mocion di AVP pa aproba e proyecto di Urirama. El a bisa cu e proyecto Hulandes cu prome minister a papia di dje no ta ser afecta pa e estudio di e universidad pasobra e molinanan cu Hulanda tin ta riba lama na 22 km di e costa y loke nan kier ta trece mas cerca na 10 km, sin cu nan ta bin cerca di areanan hopi habita.

Comentarionan (6)Add Comment
Justicia
February 13, 2013
83.204.150.92
Votes: +3
...

Ken bo ta kere bo ta pa bin para algo positivo manera Urirama ? Miho ora bo duna bo conferenciabo tene bo cabes straight i no lague cloga di banda haci interesante.

johan tromp
February 13, 2013
201.229.16.11
Votes: +11
...

Sir Andin,unta mihor Sir Andin, sigui cu e testcasenan di 12 anja cu no a jega ningun caminda. Awo ata Sir Andin, ta saca su cara verdadero, pa bai para banda di interes di capitalista, por ehempel e famia Henriquez cu ta un experto den asunto di zonido, Decibell enz.Sir Andin cu tantu a lucha pa un Aruba liber di polushon, para cu papel pa firma, pa baha awa cu coriente. Awe ta para banda di e famia cu a sera nos Entertainment Center na Dakota, midiendo e zonido den cura di e Entertainment Center, pa sali i bai cobra pueblo. Aworaki ta e mesun caso aki di Entertainment Center, Sir Andin hunto cu e famia aki, ta bai husa contra pueblo, pa nan por bai cobra atrobe.

amimes
February 13, 2013
74.82.64.35
Votes: +9
...

Stop di pompa. E ta aproba caba.ponenan pa caba. Caba cu e asunto aki pa cabba. Andin mi no ta comprondebo bo ta bringa cu alma y cuerpo pa Urirama y con pa Vader Piet bo twt sordo modo. Of e tempo ey bo sabiduria no ta tey?

e berdad prome
February 13, 2013
201.229.7.85
Votes: +16
...

Mihor cos Andin hasi laga kita tur e cell-site nan cu e la pone rond di Aruba tempo e tabata co-doño di un compania di cellular cu si ta proba cu ta dañino pa salud di hende y na a worde poni den cura di hende den lugarnan hopi ploba, despues e por bin papia di molina di biento, esta hyprocita

Shon Calco
February 13, 2013
201.229.90.105
Votes: +11
...

Si e estudio di van den Berg ta corecto anto e ora Andin ta inconsecuente....dikon para Urirama so? Kermen e salud di esnan cu ya caba ta biba dentro di un radius di 2 KM for di Vader Piet no ta bal nada anto??? Vader Piet si mag sigui drei?? Si bo ta consequente bo tin cu boga pa para tur molina di cua tin hende ta biba den un radius di 2 KM.....ban serio swa...

Berdad Picante
February 12, 2013
201.229.53.152
Votes: +6
...

Adin ta saka solamente loke ta combinibo for di rapportnan, Provencienan conhuntamente a tuma e decision pa bini cu 2000 molina pa produci 6000mwt pa 2020. No solamente e provencianan costenja, pero esunan den interior, manera Gelderland, Limburg lo contribui. Casnan traha menos di 500m lo hanja un compensacion, Costo di energia na Hulanda ta hopi halto, laman costena ta hopi ondiep compara cu Laman Noord di Aruba y si pone nan pazuid lo ta na Venezuela lo mester pone e molinanan di biento. smilies/grin.gif

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter