Friday, 31 October 2014
Edgar Vrolijk (MEP): Aruba ta birando un isla di 5 strea? Print E-mail
Tuesday, 12 February 2013 19:54

Edgar Vrolijk002

Ora ta papia di un pais di 5 strea, ta referiendo na bienestar di henter un pueblo. Un pueblo di 5 strea ta un pueblo cu ta biba feliz, sin ningun miedo y cu tin tur posibilidad di prospera. E pueblo di Aruba ta bibando feliz, sin miedo y cu tur posibilidad di prospera? Lamentablemente canando den pueblo tin di bisa cu nos ta leu di ta un pueblo di 5 strea.

Nos pueblo ta sufriendo den silencio. Hopi famia ta pasando den duro pa sobrevivi. Hopi ta esnan sin trabao y practicamente ta bibando den pobreza extremo. Hopi cas sin coriente y otronan sin awa. Hopi yiu ta coy e caminda di delincuencia y droga (cu t’asina facil pa haya). Nos hendenan y hopi di nos grandinan cu a traha duro pa e isla, no kier ni sali for di nan cas pa miedo cu nan por wordo horta.

Deficiencia den varios sector

Nos hobennan ta kehando di un educacion deficiente unda cu nan opcionnan di sigui studia y prospera den nan mesun pais ta limita y cu enseñansa ta practicamente impagabel pa esnan di menos recurso y na unda nan yiunan ta wordo stroba di tin e oportunidad di prospera. Nos hobennan ta kehando cu practicamente no tin recreacion saludabel pa nan, nos veldnan deportivo ta den masha mal estado, mayoria di centro di barionan ta inactivo pasobra nan no ta wordo subsidia. Nos cuido medico ta laga di desea mirando cu no tin e recursonan financiero p’esaki por ta mas miho. Awo lo bin un hospital nobo, pero cu mesun tiki speransa cu cuido medico lo mehora mirando cu awo cu un hospital chikito mes, tin mal servicio y esaki no ta debi na e personal (cu si ta haci nan maximo esfuerso mirando e capacidad limita di trahado), pero mas bien na inversion den personal y material pa haci nan trabao miho. Nos economia ta stanca y awo cu Valero a bay esaki a bira mas pio ainda. Nos turismo nan ta gaba cu esaki a baha na Merca, pero a subi na Latino America pero bo no por compara esaki cu otro debi na e cantidad grandi di turistanan cu ta bin di Merca. E ser humano na Aruba practicamente a wordo lubida y nan speransa di prospera riba nan mesun isla tambe practicamente a bay perdi.

Proyectonan descabeya

Nos gobierno ta yenando Aruba cu proyectonan descabeya, cu pa colmo no tin fin di keda cla, pero un cos si ta cla, cu ta e pueblo cu ta bibando caba den miseria lo ta esnan cu tin di bay paga p’esakinan. Mayoria di e proyectonan lunatico aki, ta pa un persona por haya un reconocemento personal internacionalmente, y naturalmente haci un grupito liga bira mas rico, mientras cu pueblo ta birando mas pober. E ta un realidad cu e mentalidad colonial ainda ta biba bao di e gobernantenan aki, unda cu cueste loke cueste mester haci e pueblo mas pober, pa despues nan cay na rudia pa esnan cu tin e medionan financiero. Awel mi persona ta laga sa di awo, di lo lucha pa combati e fenomeno aki, pasobra mi persona a lanta den pobreza y sa cu e unico manera cu e pueblo por bay dilanti ta pa brinda e pueblo humilde e oportunidad di prospera y esaki ta poniendo e ser humano na prome lugar.

Oportunidad pa un y tur

Lo mester inverti den nos educacion, nos hobennan (deporte y recreacion sano) y cuido di nos hendenan y tambe na stimula nos economia p’asina por tin cupo di trabao pa nos hendenan y asina tambe nos hobennan por tin e oportunidad di por sigui prospera y yuda nos isla bay dilanti. E isla di 5 strea manera cu e ta awor, mi no kier ni pa mi yiunan y pio pa yiunan di otro. Mi kier waak un Aruba di 5 strea na unda e ser humano ta bay prome y ta prospera. Si nos hendenan no tin e oportunidad di prospera riba nos mesun isla, anto tampoco nos dushi isla lo prospera. Ora ta papia di un Aruba di 5 strea mester papia di su hendenan bibando un bida di 5 strea y no un grupito cu ta bibando den luho y e mayoria di pueblo mester bringa pa sobrevivi riba nan propio isla. Y por ultimo mi tin di bisa e pueblo pa nan tin bon na mente cu mi persona semper lo para firme pa nan basando mi mes riba e siguiente principio: ”Si mi tin di muri, lo mi muri riba mi pianan pero hamas na rudia”.

Comentarionan (13)Add Comment
ktkk
February 13, 2013
201.229.16.141
Votes: +3
...

Tur candidato tin derecho di expresa nan mes.Mayoria parti criticando otro (e ta sucede y ta wordo aplica pa tur partido nan na Aruba y mundo henter. Cada ken purba wak pa nan mes kiko ta bon of no. Ami semper ta hiba e pensamento cu no tur cos cu ta brilla ta oro. Tur cos tin su parti positivo y negativo cu ne, mester evalua esaki nan bon promer.Den otro tono bisa , tur proyecto etc tin su risiconan (financiero,ambiental etc).

ktkk
February 13, 2013
201.229.16.141
Votes: +2
...

Tur candidato tin derecho di expresa nan mes.Mayoria parti criticando otro (e ta sucede y ta wordo aplica pa tur partido nan na Aruba y mundo henter. Cada ken purba wak pa nan mes kiko ta bon of no. Ami semper ta hiba e pensamento cu no tur cos cu ta brilla ta oro. Tur cos tin su parti positivo y negativo cu ne, mester evalua esaki nan bon promer.Den otro tono bisa , tur proyecto etc tin su risiconan (financiero,ambiental etc).

Cuaresma
February 13, 2013
190.104.106.140
Votes: +1
...

Shonan cuaresma a drenta. Ban respeta otro. Boso ta pleita anto hinka e pober mama nan aden. Lastra nan na un manera masha mahos. Avepista nan cu mepista nan ta odia otro manera hende loko. Ban sera PAZ y ser Adulto nan educa. Bendicion pa boso nan tur

Ban serio
February 13, 2013
201.229.10.216
Votes: -3
...

Andru na palabra!!

geminis
February 13, 2013
201.229.81.110
Votes: -4
...

Mencionami un pais di cinco strea. Ariba e bandera si por. Na Europa mes no tin mas. Un pais feliz, rico, prospero, liber di criminalidad, cu tabiba segun normanan y valornan mencionami un? Waak ariba un miho cubo y compara no waak un peor i mustra con bon bo ta.

Danmi
February 13, 2013
201.229.71.138
Votes: +3
...

Mi ta resa tur dia cu Aruba POR bira un isla di 5 strea. Pero cu tanto estranhero drentando i kedando aki 90 dia OF mas. Oposicion tin rason si.

e berdad prome
February 13, 2013
201.229.7.85
Votes: -1
...

Porta nan di MEP tin un plan, tira pinda pa pueblo como y biba felis

Berdad Picante
February 12, 2013
201.229.53.152
Votes: +11
...

Mep, ocho anja pasa a hanja e oportunidad pa hasi e pueblo felis, pero nan a bin cu un cantidad di medidanan, saka placa directo for nos sako, pa enriquese F&F, puntra por ehempel E.W.C. Awor miedo y agustia tin Mep na mata pa motibo di e bon resultado di e bon trabow di gobierno di AVP. Mep no tin issue, no tin cabai pa campanja. No tin plan pa juda hasi Aruba den 5 estrea, solomente para na banda critica

Scorpion Lady
February 12, 2013
201.229.7.240
Votes: +5
...

Ta ken di baina aki ta?

johantromp
February 12, 2013
201.229.17.69
Votes: +14
...

Wel shon candidato nobo, si abo Arondino i Lider Evelyn sigui cana di awo te elecshon biS**tando e mesun hendenan den boso bario cu ta wordu doctrina dor di un radio, un corant i nan televishon. ta e mesun storia negativo aki, boso lo sigui papia i scirbi. Parse manera cu bo no sa mes cu e muchanan cu ta cana hasi maldad, mayoria tawatin 6 anja ora MEP a bin na mando, poniendo 8 anja di MEP arriba dje nan tawatin 14, awo cu Avp tin cuatro anja na mando majoria tin 17 pa 18 anja. Awor ta kende ta c*lpabel di loque ta pasando. Ta kende no a hasi un bon trabou preventivo, cu awe nos ta wak e fruto criminal cu tin awe. Lanta for di sonjo i cuminsa papia ta kiko abo, por contribui pa drecha nos pais. MEP a caba di cumpli 42 anja di existencia, di cual 27 mi kier sa nan a pasa den gobierno. Awo ta kende ta c*lpabel cu nos pais ta di estado aki. Cu AVP nos ta sigur cu e bienestar ta wordu parti pa un i tur.

R.R. Ras
February 12, 2013
201.229.9.47
Votes: +18
...

Cu persona nan manera bo cu ta gusta post man cruza sigur cu no y e forma di para ey so no ta mustra nada positivo pa futuro. Para hunga mooie jongen y cu critica negativo bo lo no logra nada mucha homber. Arrogante ariba dje anto sinti su mes masha sabi pero nada no ta importa boso pa loke ta trata e pida baranca aki sino saco di F&F.

rod
February 12, 2013
201.229.47.113
Votes: +13
...

Cocoliso a dicidi di bringa den e partido di 5
strea pa friends and family.....!!! Nos pueblo no a
lubida e historia criminal di 8 anja di bagamunderia
contra nos pais...cocoliso a pega barco atrobe...!!!

Zombie
February 12, 2013
201.229.75.235
Votes: +24
...

Aki 7 luna e integrantenan di Mep lo mira strea na cantidad ora nan haya e sla di e resultado di eleccion!!! smilies/wink.gif

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter