Saturday, 20 December 2014
Minister Otmar Oduber a duna di conoce cu APA ta un partner importante den e logronan di turismo na nos isla Print E-mail
Tuesday, 12 February 2013 18:39
Comparti

otmar12

Durante conferencia di prensa cu a tuma lugar diamars mainta unda a presenta e continuacion di resultadonan positivo den turismo, Minister Otmar Oduber, banda di a gradici ATA, hotelnan y  Gobierno pa e logronan aki, tambe a gradici Aruba Ports Authority (APA). El a indica cu e trabounan cu a wordo haci den e ultimo aña a duna e resultadonan desea.

Mescos cu a crea un Airlift Committee, aña pasa a lanta un Cruise Committee caminda cu tin sector priva, APA, ATA y Ministerio envolvi. Esaki a conduci na un esfuerzo ainda mas grandi cu esun cu ya caba tabata wordo haci, reenforzando e esfuerzonan cu tanto e oficina di Cruise Tourism tabata haci anteriormente (esaki a wordo integra den ATA SG) hunto cu APA. Cifranan di turismo crucero ta mustra e bon resultadonan obteni caminda cu januari tabata un luna record den ultimo 13 aña caminda a conoce un crecemento di 26%. Minister Oduber a expresa cu e trend aki no ta uno di januari, pero lo continua durante aña 2013.

E logro aki ta danki na e vision di loke kier a logra cu centro di ciudad, cu mehoracion y inversionnan haci. E vision aki for di 2 aña pasa a cuminsa wordo presenta na esnan di FCCA y hasta nan a bin Aruba fin di aña pasa pa mira e desaroyo di no e vision solamente, pero e realizacion di e proyectonan y nan a keda encanta. Esaki a conduci cu e aña aki lo cera cu un aumento di riba 25% pa loke ta cantidad di pasaheronan crucero. E aña aki ta surpasa e cifra di 700 mil turista crucero, lo cual ta un record grandi ya cu e cifra mas halto logra tabata di 600 mil turista crucero den pasado.

E mandatario a indica cu si haci un calculacion di e ultimo cifranan cu Universidad di Aruba a saca den su rapport pa loke ta e cantidad di placa cu e turista crucero ta laga atras den nos economia, cual nan ta indica cu ta entre 130 pa 170 Dollar, es decir e ta un extra 20 pa 23 miyon Florin cu ta bay keda atras den nos economia.

Minister Oduber a finaliza cu tin diferente proyecto mas na caminda pa loke ta turismo crucero. Na e momentonan aki ta wardando pa e mudamento di waf di container cuminsa pa por cuminsa acapara barconan cu awor aki no ta logra dor di grandura y profundidad necesario.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter