Wednesday, 23 July 2014
Prome Minister a felicita pueblo y autoridad policial pa exitoso Carnaval 59 Print E-mail
Tuesday, 12 February 2013 18:37

mike 4

Diamars mainta, durante un encuentro cu prensa, Prome Minister Eman a tuma e oportunidad pa felicita pueblo di Aruba pa su sosten y comportacion civico durante celebracion di un di e fiestanan mas grandi di nos cultura, esta Carnaval. “Despues di un periodo cortico, pero intenso, mi ta felicita tur esnan cu a participa y un biaha mas a haci di nos Carnaval uno grandi y excepcional.”

Premier Eman a referi na e hecho cu apesar cu aki aya tabatin incidentenan, ora bo mira en general, e manera con e celebracion masal aki, a bay nos por mira bek riba un Carnaval caminda Cuerpo Policial a sa di mantene ordo y disciplina. Eman: “Un pabien na nos pueblo, na e gruponan di Carnaval, henter nos comunidad y specialmente na Cuerpo Policial di Aruba cu tin un temporada hopi pisa tras di lomba.”

For di januari te cu e ultimo actividadnan di Carnaval 59, por a nota cu nos hendenan cada bes tin un consenshi mas grandi riba tur e precaucionnan cu mester tin pa cu e celebracion. For di vigilancia den bario pa e casnan cu ta keda nan so henter dia y atencion pa muchanan te na proteccion contra solo y consumo excesivo di alcohol, por nota cu pueblo a bira mas consciente. No ta laga afo e recogemento di sushi y comportacion prome, durante y despues di parada.

Mientras cu autoridad policial a sa di eherce su funcion cu hopi cautela y accionnan rapido y efectivo, Prome Minister Mike Eman tambe a pone enfasis riba e hecho cu nos comunidad a sa di marca e liña entre celebracion y responsabilidad di e ciudadano. Aruba ta duna un ehempel na paisnan mas grandi rond mundo cu tambe tin celebracionnan similar, pero lamentablemente hunto cune ta bin cu cantidad grandi di consecuencia desagradabel. “Awe nos ta contento y orguyoso di por bisa cu un parti hopi grandi di nos comunidad a comporta su mes manera mester ta,” Eman a indica.

Den nomber di Gabinete Mike Eman ta desea tur hende exito den preparacion y celebracion otro aña di Carnaval 60, e gran hubileo di diamante; pero tambe pa duna su debido atencion y respet na e temporada di Cuaresma cu ta nos dilanti.

Comentarionan (1)Add Comment
johan tromp
February 13, 2013
201.229.16.11
Votes: +0
...

Prome Minister, pueblo henter ta contento cu e resultado di e trabou di polis. Awor Prome Minister lo ta mihor nos keda cu e regla di faya bo hanja, arriba trafico i rond di tur club nocturno i restaurant chinez, i HOT SPOT conosi pa bendementu di droga na Aruba. E ora ciudadano cu comete infraccion den trafico, i mal comporta nan mes, den vecindario di club i restaurant ta hanja si nan faya. I si bo ta den HOT SPOT tambe bo ta hanja si bo actua sospechoso, ta kende a mandabo bai eibanda. Esaki ta djies un consejo constructivo, pa cuerpo policial i Minister pa asuntonan general Mike Eman.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter