Tuesday, 21 October 2014
Gobierno: Prome Minister Mike Eman ta Reconoce Baluarte di Keito Print E-mail
Tuesday, 12 February 2013 17:02
DSC_2063
E bishita di siman pasa di Prome Minister y team BoBario den e barionan di San Miguel, Keito y Koyari tabata manera ta custumber caba, hopi exitoso. Exitoso den tur aspecto.

Mescos cu den otro barionan, aki tambe a reconoce un persona di e bario. Un persona cu un trayectoria remarcabel y cu di e forma aki ta haya e reconocimento cu e merece. Un asina yama baluarte di e bario. Sr. Hilario Figaroa di 95 aña di edad ta e baluarte di e bario di Keito. Famia di Hilario Figaroa a keda masha contento cu e escogencia aki y a ricibi Prome Minister y grupo BoBario cu tur cordialidad. Sr. Figaroa a sinta scucha Prome Minister cu masha atencio.

Na aña 1947, den un tempo completamente otro cu awe, un tempo cu no tabatin coriente ni tampoco e facilidadnan cu nos ta custumbra cu nan, sr. Hilario Figaroa hunto cu algun amigo a yega un luga na unda ilumina pa un lampi di kerosin, a pone su firma bou un documento, cambiando asina destino di su pais. E documento aki hunto cu mas firma di otro hombernan balente a bay Hulanda y a wordo presenta hunto cu un mocion dia 18 di maart 1948 na Mesa Rondo dor di Shon A Eman pidiendo pa separacion di Corsou. Un lucha tenaz cu a dura algun aña prome cu a logra e deseo di pueblo aki. Hilario Figaroa cu su 29 aña e tempo ey ta parti di e historia aki. Hilario Figaroa tabata tambe den schutterij den tempo di guera. Actonan heroico cu a keda reconoci pa Prome Minister Mike Eman durante su bishita na cas di Hilario.

Awe sr. Figaroa ta un homber di edad halto cu un gran experencia di bida. E ta biba riba su mes, rondona pa su yiu y nietonan y demas famia. Un hende cu tin hopi di conta y ta haci esaki tambe na su debido tempo.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter