Wednesday, 30 July 2014
drs. Paul Croes den reunion Urirama: Ubicacion optimal di e projecto ta keda prioridad! Print E-mail
Thursday, 07 February 2013 22:30

Paul Croes007

"Mi persona ta convenci cu e proyecto aki ta positivo pa cu Aruba su posicion menos dependiente di e fluctuacion di prijs di petroleo internacional. E localidad tabata e preocupacion inicial y esaki no a cambia", asina Croes a declara. E Presidente di Parlamento drs. Paul Croes ta sigui kere e ubicacion di e projecto ta keda un preocupacion serca cierto ciudadanonan y tambe su persona.

"E mocion entrega pa fraccion di AVP durante reunion publico ta cubri mayoria di e preocupacionnan y ta refleha e estudionan y investigacionnan cu Parlamento a hasi durante tur e lunanan tras di lomba, y pesei a haya mi aprobacion", asina Croes a declara. "E mocion aki ta laga espacio pa adaptacion y tambe ta urgi gobierno pa continua e dialogo cu e habitantenan pa crea mas aceptacion y calma e preocupacionnan". Croes a mustra cu su opinion y esfuerso den henter e proceso aki tabata pa trece tur informacion (pro y contra) den e discusion aki padilanti pa asina tur parlamentario por forma nan opinion a base di tur informacion obhetivo. A mustra cu e tin confiansa den e proceso cu Parlamento a hiba, pa yega den informacion, busca tur informacion y pa decidi riba e projecto di e di dos parke di molina. Aspecto Salud: Croes a mira como un discusion importante y interesante, unda cu habitantenan (esnan afecta), tabatin y a keda cu cierto preocupacionnan, esakinan te na e momentonan aki tei. Parlamento a trata na trece claridad riba e aspecto di salud, y esaki tabata pa medio di e evaluacion di e MER. Un instancia independiente a conclui cu no tin efecto di salud a base di sonido di frequencia abou pa motibo di e distancia. No tur hende a keda convenci di esaki, pero Parlamento a hasi su esfuerso. E localidad ta keda e discusion. Croes ta kere cu Gobierno mester hasi tur lo posibel pa adaptacion y ubicacion di projecto. E distancia di e molinanan pa e casnan 940 meter na Urirama ( compara cu 350 meter Vaderpiet) ainda por wordo adapta y unda por re-ubica. Distancia pa Kapel por wordo adapta (Mas di 1000 meter leu). Tambe e distancia pa cu e kapel di Alto Vista ta e preocupacion di Croes. E area aki ta un lugar sagrado, cu no mag wordo afecta pa un parke di energia. Croes ta sinti cu tin espacio pa minimalisa e efecto riba e kapel di alto vista. Croes ta sugeri cu un eventual continuacion di e projecto, pa kita dos di e molinanan pa asina limita e efectonan pa cu e kapel. Esaki Gobierno a confirma cu ta posibel y cu gobierno lo tene cuenta cu esaki tambe. Balor di casnan den e area Un otro factor ta e eventual caida di e balor di e casnan den e area. Drs. Paul Croes ta kere cu si acaso esaki sosode, Gobierno por "vang op" e eventual caida di prijs di casnan, dor di pone e area di Seroe Pela, Boroncana, Kurimiauw y Alto Vista riba e lista di prioridad cu un "Masterplan di Infrastructura" pa renobacion di henter e area. (camindanan asfalta, trotoire y iluminacion). Esaki un bes mas pa un eventual devaluacion di casnan den e area.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter