| MEP a entrega nota financiero na presidente ATIA "Feestivierend Ten Ondergaan" |
 |
 |
| Thursday, 07 February 2013 18:40 |
|
Lider di MEP Evelyn Wever-Croes y Xionara Ruiz-Maduro siman pasa a bishita presidente di ATIA sr. Ronnie van Trigt. Durante e bishita e parlamentarionan di MEP a delibera cu presidente di ATIA riba e situacion financiero dificil cu Pais Aruba ta atravesando. MEP a prepara e nota “Feestvierend ten ondergaan”, den cual ta analisa e situacion financiero di Aruba, y ta hasi comparacionnan di desaroyo den ultimo anjanan. Si mira e deficit di presupuesto por nota cu durante anjanan 1995 te cu 2009 esaki tabata un promedio di 60 miyon florin, cu ta 1.6% di nos GDP. Pero na man di e gobierno e promedio aki a bira 264 miyon cu ta 5.5% nos di GDP! Si nos mira e debe di Pais Aruba, na 2009 ela yega te na 2.2 biyon, cu ta 45% di nos GDP; pero e gobierno aki a hise te na 3 biyon caba, cu ta 57% di nos GDP! Y esaki ta sin conta tur e debenan cu awor ta wordo haci door di firma pa e proyectonan di Private Public Partnership (PPP). Un situacion cu no ta aceptable, y pa cual partido MEP kier pa cuminsa un debate nacional REAL pa tur hende realisa cu e situacion cu nos ta aden awor ta sumamente malo pa cada un di nos. MEP ta lamenta cu gobierno mes no ta carga su responsabilidad, pero esey no kiermeen cu tur hende tin di bira manera avestrus scondiendo cabes den tera. MEP ta contento di por a entrega e nota aki na sr. van Trigt di ATIA. Comentarionan (4)Mustra/Kita comentarionan ...
A pone den e raport tambe cuanto placa un solo famia liga na MEP ta hayando na huur di gobierno pa motibo di contract nan firma prome cu gobierno di MEP a baha na 2009?
,
February 07, 2013
...
EWC bo a entrega e rapport "Feestvierend onder vrienden en families" tambe y no lubida pone aden e paragraf "Huur betalingen aan Papa, Broer, Tante en neven".
,
February 08, 2013
...
Ma keda sumamente asombra cu MEP a logra traha un nota......mas sorprendi ma keda ora ma lesa cu e titulo ta na Hulandes!! Ma kere cu e Buchi nan di MEP ultimamente no sa ni Hulandes mas....pero ya ora ma lesa e titulo mi di Tja! Ta ken no lo sa mas di feestvieren y ondergaan cu MEP kende a practica esaki pa 8 aña largo? pa friends and family??
,
February 08, 2013
Duna Comentario y/of Comparti riba Social Medi |
Mustra/Kita e formulario di comentario
