Friday, 18 April 2014
Booshi Wever (UPP): Mike de Meza ta keda un mentiroso y un manipulador, y no ta sincero cu pueblo Print E-mail
Monday, 04 February 2013 21:18

Booshi Wever005

UPP ta constata cu Minister Mike de Meza ta sigui manipula den asunto di Belastingdienst y no ta sincero ni cu e trahadornan di belasting, ni cu e pueblo. Cada bes cu Mike de Meza bin dilanti pa splica un situacion, e ta bin cu un cara di santo y ta purba di tira santo den wowo di pueblo y empleadonan, pasobra dor di duna informacion incorecto, e ta trata di crea e impresion cu tur loke a bin ta sosode na belastingdienst y douane, ta transparente y corecto.

Segun informacion cu UPP ta dispone di dje, recientemente a wordo anuncia na e empleadonan di belastingdienst cu posicion pa dos hoofd di dos team ta habri y cu por medio di un vacatura interno ta bai yena esakinan. Riba su mes un procedura normal cu tin di sosode na momento cu bo tin cambionan den un organisacion of ora cu tin hende cu a bandona su puesto. Pero den e caso di belastingdienst nos por bisa cu e rabo di porco ta krul ora cu bai mira ta posicion di kendenan ta wordo yena. Ta trata aki di posicion cu dos di e asina yama “Directornan Ad Interim”, esta esun di operacion y esun financiero, ta encarga cu nan te awor aki. Cu e paso aki, nos por mira cu de facto e personanan cu awor ta fungiendo na cabez di dos teamnan aki, na momento cu bin un nombracion nobo den nan lugar, no tin lugar di pone nan bek, ora cu si realmente bai nombra e directornan definitivo. Cu otro palabra e personanan aki, cu e paso di solicitud interno, de facto como parti di leiding ad interim manera nan ta wordo yama, ta bezig ta autonombrando nan mes como esunnan definitivo den e puesto di directornan financiero y operacional. E tristo di tur e cos aki ta, cu dia 4 di januari 2013 ainda Mike de Meza den un comunicado ta laga sa cu tin un separacion den e dos servicionan aki, y na lugar di un director, ta bai tin 6 director, di cual pa e lunanan cu ta bini, esaki lo ta ad interim, pues directornan interino. Den su comunicado e ta bisa cu ya caba ta den un periodo di transicion unda cu despues di esaki lo bai tin un solicitud habri unda esnan den gobierno y pafor di gobierno lo por solicita pa asina finalmente escoge e directornan. Cu esaki tambe practicamente ta keda seya cu alomenos na belasting-dienst por papia cu na momento cu yena e dos puestonan di hefe di team, bo tin directornan fiho (no interino mas). E pregunta ta keda, mescos cu UPP anteriormente a trece padilanti, si e hendenan aki ta capacita pa maneha e Departamento aki? Manera UPP a mustra caba den un comunicado anterior, ambos directornan general ta personanan cu ya caba ta cu pension y awor ta trahando a base di contrato. Pa loke ta trata e director ad interim di operacion, nos pregunta ta ki background academico e tin pa por eherce e trabou aki? E ta un academico riba nivel fiscal? Segun tin comprendi, hasta pa e funcion cu e tin actualmente, e no ta cumpli cu tur e rekisitonan di opleiding, esta di un HEAO. Pa loke ta esun financiero, pregunta ta ki experiencia, manera nan ta yame “relevante werkervaring”, e tin pa bai eherce e trabou di peso aki como director? Su experticio, segun informacion ricibi, ta mas bien riba tereno di douane. Mientras cu UPP a adverti cu henter e situacion crea aki pa Mike de Meza y su gobierno di AVP, ta costa pueblo placa, tin comprendi cu de facto no tin nada prepara ainda pa realmente bai over pa separa e dos servicionan aki for di otro. Ta awor numa lo bai pone consultant, cu ta costa pueblo placa, pa bai traha riba e “reorganisacion”. Mientras tanto e splitsing den practica a crea dos “waterhoofd”, esta 6 director na lugar di uno, mientras cu trabounan cu tabata centralisa bou di Direccion di Impuesto, tambe ta wordo parti den dos. Pues lo bai tin 2 hefe di IT (na lugar di uno), dos pa asuntonan fiscal y huridico, dos pa personal, etc., etc. Pa colmo de los colmos, mientras cu e Direccion di Impuesto tabata traha cu un secretaria, segun informacion ricibi cada un director ta bai haya un secretaria. Pues na lugar di un secretaria, ta bin awor 6 secretaria. Pero pa gobierno y minister esaki no ta problema, pasobra cada ministerio mes ta un “waterhoofd” caba, pues aki nan por sigui yena hende mirando cu campaña ta den porta.

Den nomber di Union Patriotico Progresista

Comentarionan (11)Add Comment
nestor vasquez
February 05, 2013
201.229.40.108
Votes: -1
...

Benny Nisbet y Booshi Wever, dos politico fracasa. Tur dos ta papia hopi y bisa poco.
Nan tur dos mester bai sosega paso e elekshon aki lo ta nan sentencia di morto.

Zombie
February 05, 2013
201.229.84.226
Votes: +8
...

Pa Boshi henter anja ta Carnaval, e no ta kita su mascarada! smilies/wink.gif

mimi1976
February 05, 2013
201.229.14.2
Votes: +7
...

Wak ken ta papia! whahhahah smilies/shocked.gif

David Quandt
February 05, 2013
89.129.118.20
Votes: +6
...

Dincon hende, pueblo y medio di comunicacion ta presta antencion na e l**o di awa aki ainda. Ta un insulto na bo inteligencia y na dimi.

johantromp
February 05, 2013
201.229.16.199
Votes: +7
...

Booshi, MEP a core cubo ora EWC mester a bira lider. EWC i su famia tin rabia arriba Booshi, ora Booshi a firma cu Hulanda, pa kita e cartera for di su tio Mo Ru, esaki pa famia di EWC, ta e comienzo di entrega di autonomia di nos pais. Booshi sa kiko esei ta nifica pa EWC i Mo Ru? Pa nan esei ta nifica manera nos libertador Betico a bisa " GUERA ". Asina ta Booshi bo sa di esaki bon bon, stop di chupa i bati retirada paso partido MEP, abo ni maske cuanto bo chupa, lo por bolbe. Sin papia mes di e diploma falsifica, awo abo cu bo cara yen di scupi, ta bin susha hende drechi.

Berdad Picante
February 05, 2013
201.229.50.3
Votes: +12
...

Booshi, tende di bo ex colega EWC, cu a core cubo den un manera masha denigrante y viel, cu un cantidad di punto pakiko bo no ta serbi pa nada, e a bisa cu si bo tin prueba di loke bo ta papia anto bai landsrecherge of OM. Sino pueblo ta bisa cu " el l****n piense que todos son de su condicion"

Booshi Waterhoofd
February 05, 2013
201.229.36.138
Votes: +12
...

Blo sinta bla bla bla numa Booshi. Bin cu un ley cu lo yuda pueblo di wordo alivia cu tur e ambtenaar nan cu ta drenta gobierno prome y despues di elecshon anto no. Awo lo bin 6 secretaria, abo bira minister mayan dios lo sa cuanto hende bo lo hinca den e aparato gubernamental. Si bo ta homber cu bala, bin cu un ley cu lo caba cu nombrashonnan politico anto enbes di sinta hasi buya den medionan di comunicashon. Cu bo bla bla bla Booshi, bo ta perdiendo hopi puntjes. So be a man!!

Spanta pato
February 05, 2013
174.91.110.186
Votes: +14
...

De pot verwijt de ketel dat ie zwart is.Bo ta peor Booshi bo ta corda e fraude di Laboratorium y tambe e fracaso di e machin di Dump. Masha lihi bo ta lubida of bo ta birando dement.

R.R. Ras
February 04, 2013
201.229.14.183
Votes: +11
...

Booshi prome cu bo purba acusa otro pa gañado (mentiroso) corda cu ora bo scupi den laira e ta cay bek den bo propio cara pasobra aunke bo a pidi mil y un despensa no lubida cu no tin mas pio cu esun cu a falsifica diploma. E mente maligno di purba instiga un pueblo nan contra otro djis pa satiface bo sed di venganza lo bay pasa pa pasado pasobra si bo ta kere cu den e proximo eleccion abo lo haya respaldo bo ta bon equiboca.

rod
February 04, 2013
201.229.46.47
Votes: +12
...

Tur hende na Aruba ta corda con e
Booshi Wever aki a core cu e director di
Censo pa nombra un amiguita...Anto e tipo aki
ainda ta tribi di cuestiona Minister de Mesa pa un
procedura na fabor di departamento di finanzas...!!!
Booshi Wever tin cuero di macaco na cara !!!

aribaaruba
February 04, 2013
201.229.37.219
Votes: +15
...

WAK KEN TA PAPIA DI MENTIROSO Y MANIPULADOR.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter