Saturday, 25 October 2014
Parlamentario Donny Rasmijn (AVP): MEP ta haci politica cu projecto di turbine di biento pa Urirama Print E-mail
Monday, 04 February 2013 21:03

Donny Rasmijn007

Desde cu Gobierno di Aruba a anuncia na oktober 2011 cu tin intencion pa traha un parke di windturbine na Urirama, cierto habitantenan cu ta relativamente serca di e localidad, a expresa nan descontento. Fraccion di AVP, den persona di Donny Rasmijn y Paul Croes a bishita e localidad y a papia cu e grupo concerni.

E preocupacion mas grandi tabata, of ta ianda, cu diferente estudionan, pa scientificonan individual, a resulta cu turbine di biento por ta malo pa salud di hende. “Aunke cu na Vader Piet tin un parke di Molina den operacion desde final di 2009 y ningun hende a bira malo, tog nos a tuma nan preocupacion na serio y a manda pregunta pa Gobierno encuanto e projecto”, Rasmijn ta bisa. Durante di tratamento di presupuesto di aña 2012, fraccion di AVP a presenta un mocion unda cu mester haci un estudio riba medio ambiente, naturalesa, economia (MER) y salud anto presenta esaki na Parlamento pa asina Parlamento dicidi si ta sigui cu e projecto of no. Despues cu Parlamento a haya e MER raport, Presidente di Parlamento a invita tur grupo concerni pa duna nan opinion. “Akinan nos a haya cu e raport no ta duna suficiente atencion na e sonido cu e turbinanan ta produci cu podise por afecta salud di habitantenan”, segun Donny. Dor cu tabata tin duda, Parlamento a pidi Commissie MER di Hulanda, cu ta un comision di expertonan independiente cu ta evalua estudionan di MER na Hulanda, pa evalua e raport cu a wordo traha. E comision aki a conclui cu e raport ta tene cuenta suficiente cu e sonido cu e turbinanan por produci y ta bisa cu nan a tene debido cuenta cu salud. Pero e habitantenan tog tin e impression cu e turbinanan lo hacinan malo y nan a cuminsa cu un protesta dor di colecta firma. Partido MEP y PDR mesora a join e accion aki pa saca probecho politico. E lider di MEP a bisa cu ta un experiment Gobierno di MEP a haci na Vader Piet. “Experimenta riba habitantenan di San Nicolas?”, Donny a puntra su mes. E cas mas serca di turbine di Vader Piet ta 375 meter y e prome cas na Urirama ta riba 900 meter leu for di e turbinanan y ningun hende na Vader Piet a bira malo. MEP ta pronkia cu nan a traha esun di Vader Piet pa experimenta kico? Cu nan ta traha of cu nan por haci hende malo? WEB a demostra cu e turbinanan a scapanan banda di 370 bari di fuel oil pa dia cu ta 13 miyon dollar pa aña. Kiermen tecnicamente nan a traha. Awor e parti di salud. Cuanto hende a bira malo desde cu e parke ta den funccion? E famia cu ta biba na 375 meter leu for di e turbinanan a bira malo? Te ainda a wordo demostra cu ningun hende a bira malo y riba dje tin mas estudio di institutonan renombra cu ta bisa cu ningun hende ta bira mal dor di e turbinanan di biento. “Hopi articulonan, por ehempel di Australia cu tin turbinana di biento serca di comunidad pa mas di 30 aña caba, ta bisa cu turbina di biento no ta causa daña na salud di hende”, Donny ta bisa. Pero si ta existi cu hendenan no kier wak e turbinanan y ta keda preocupa nan mes cu e localidad unda nan ta wordo instala y nan ta keda irita nan mes pasobra definitivamente nan no kier accepta e instalacion. Hendenan asina aki naturalmente por haci nan mes malo y ta keda preocupa nan mes mescos cu un persona por preocupa nan mes cu cualkier cos y nan ta haci nan mes malo. “Mi por compronde cu tin habitante cu kier bringa e projecto aki te na ultimo pero no por ta asina cu un partido MEP ta contra e projecto pasobra segun nan e ta malo pa salud di hende mientras cu MEP mes a instala un parke similar na Vader Piet San Nicolas y cu no a haci ningun hende malo a pesar cu e tabata un experiment segun lider di MEP”. Pa colmo e projecto di Vader Piet a wordo haci sin cu e raport di MER a wordo scrutina. Den nuebe dia nan a keda cla cu hindervergunning y nan por a traha sin problema. “Ta hopi bisto cu MEP ta haci politica cu e projecto di Urirama, Rasmijn ta termina.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter