Tuesday, 22 July 2014
Parlamentario mr. Xiomara Ruiz-Maduro (MEP): Nos Ministernan di Turismo y Cultura no a bisa nada kiko ta e effecto di Urirama riba e balor turistico, cultural y historico di nos Kapel di Alto Vista Print E-mail
Monday, 04 February 2013 11:33
DSC_2063
Den tur e discucionan andando riba e parke di molina na Urirama ta bin dilanti cu e Kapel di Alto Vista ademas di tin un balor spiritual, e tin un balor turistico, cultural y historico pa nos Pais y su cercania na e parke di molina na Urirama por tin un efecto negativo riba e balornan aki.

Nos a spera cu Gabinete Eman lo a tene consideracion cu e factornan aki, pero te ainda nos Ministernan di Turismo y Cultura no a bisa nada kiko ta e effecto di Urirama riba e balor turistico, cultural y historico di nos Kapel di Alto Vista.. Te hasta e informacion di e MER di Urirama a wordo saca for di Wikipedia y no a ser duna door di e mandatarionan di Turismo y Cultura.

E Kapel di Alto Vista tin un balor grandi pa nos Pais. Asina nos por mira con dia aden dia afor, aña aden aña afor un cantidad grandi di devoto ta yega na e Kapel di Alto Vista mustrando asina cuanto balor spiritual e kapel aki y e area cu ta rondone tin pa esnan cu ta busca refugio y forza eynan. Sin papia mes di e caminda di crus cu ta un tradicion di hopi devoto cu ta haci nan plegaria tur aña durante Semana Santa. Banda di e balor spiritual, nos tin cu realisa cu e Kapel di Alto Vista tin un balor grandi como un di e lugarnan mas bishita pa nos turistanan. Tur dia turista ta yega na e kapel aki sea den tour of riba nan mes, pa asina disfruta di e lugar special aki di nos Pais. E Kapel di Alto Vista tin su historia largo cu ta dune un lugar prominente den nos cultura cu ta dune un balor incalculabel. Pesey na momento cu Gobierno bin cu un proyecto cu por tin un effecto negativo riba e Kapel di Alto Vista nos ta spera di e mandatarionan encarga cu Turismo y Cultura, cu nan ta sali na vanguardia di e patrimonio aki di Pueblo.

Lametablemente te cu awe, e mandatarionan concerni, no a duna nan opinion riba e proyecto di Urirama y su effecto pa e Kapel di Alto Vista. Hasta e informacion di e balor cultural y historico cu a ser poni den e rapport MER di Urirama, no a wordo duna pa e mandatarionan concerni. Asina nos por lesa riba pagina 47 cu e informacion importante aki a wordo saca for di Wikipedia riba internet! Pa e motibo aki durante e debate publico riba Urirama, nos a haci e pregunta na e mandatarionan di Turismo y Cultura pa nan duna nan opinion y splica nos dicon ta for di Wikipedia mester a saca e informacion aki. Tambe nos a puntra dicon e habitantenen y e usuarionan di e kapel mes no a wordo puntra pa nan opinion riba e balor cultural y historico di nos Kapel di Alto Vista. Mester remarca cu ta inaceptabel cu ta for di Wikipedia e autornan di e rapport MER ta saca informacion riba e balor turistico, cultural y historico di nos Kapel di Alto Vista. Esaki ta informacion cu mester a bin di e mandatarionan concerni.

Pesey diaranson awor nos lo keda pendiente pa tende di Ministernan Oduber y Winklaar kiko nan opinion ta riba Urirama y su effecto riba e balor turistico, cultural y historico di nos Kapel di Alto Vista pa nos Pais. Ta di spera cu nan lo sa di salvaguardia y conserva e balor incalculabel cu e kapel aki tin pa nos Pais.

Comentarionan (6)Add Comment
scorpsting
February 05, 2013
201.229.2.106
Votes: +1
...

Ami no ta compronde e fanfaria di MEP awo cu e windmolen park. Dia cu nan a trahe na Vader Piet unda Xiomara y Evelyn a keda pa protesta?? Of eynan no tin hende ta biba??

Berdad Picante
February 05, 2013
201.229.50.3
Votes: +5
...

Bon, ta argumento a caba, cu awor ta c*ltura y historia ta wordu usa pa justifica un capricho di e rikonan di Alto Vista. Xiomama, corda cu Mep ta un partido social democrata y ta sali na defensa di e hendenan humilde, cu kier wak cu nan tin cu paga menos placa pa coriente, awor y den futuro, motibo pakico Mep a traha windmolen na San Nicolas . E riconan di Alto Vista si por afford cuenta di coriente halto

BMW
February 05, 2013
201.229.36.138
Votes: +0
...

Urgi gobierno bai cu e cos aki un referendum. Laga pueblo dicidi kiko ta kiko pasobra si aki 10 anja sali na cla cu pueblo a ser enganja, nan mes lo soru pa fix e asunto cu e partido mentiroso.
Abo cu tin tur e chens pa manda e asunto aki referendum ta sinta hasi coi mucha chuiqito enbes di hasi trabou drechi pa tur e 15mil cu bo ta cobra pa luna.

Scorpion Lady
February 04, 2013
201.229.44.85
Votes: +5
...

Xiomara, e poco biaha kizas cu bo ta bay Kapel (si bo sa bay anto) no ta haci bo malo, Asina ta keda trankil

R.R. Ras
February 04, 2013
201.229.14.165
Votes: +8
...

Xiomama no sa mas con pa purba di busca argumento nan negativo pa cu Urirama. Awor ta papia di devoto nan cu ta bay kapel di Alto Vista y kier mezcla religion Catholico den henter e asunto aki. Tambe Xiomama kier pretende cu ta ariba Wikipedia so tin informacion tocante parke nan di molina di biento. Mientra WHO y NHMRC tur ta organisacion nan internacional cu tin raport nan di estudio nan haci cu ta bisa te hasta cu e zonido di lama ta mas fuertecu loke e molina nan ta produci. E balor mas importante ta e mentalidad di nos futuro generacion cu boso nan ta venenando.

son of mose
February 04, 2013
201.229.35.155
Votes: +6
...

baha bek riba tera, cu e nivel cu bo tin mas ta wordu spera di bo. bin bei.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter