Wednesday, 23 April 2014
Premier Eman a haci apelacion na Presidente di Parlamento pa permiti publico Print E-mail
Monday, 04 February 2013 08:57
DSC_2063
Siman pasa a inicia e debate publico den Parlamento riba e tema di Urirama pidi door di fraccion AVP y MEP. E reunion aki, den cual tur e Ministernan di Gabinete Mike Eman tabata presente, a bay basta turbulento, cu emocionnan halto den e publico presente cu a causa cu mester a schors esaki varios biaha durante e dos dianan.

Finalmente Vice Presidente di Parlamento Chris Dammers su pasenshi a yega su limite, pa cual a dicididi di ordena e publico pa bandona e tribuna. Esaki a sosode diabierna den oranan di atardi. E decision di Chris Dammers no a wordo respeta pa cual el a tuma e decision di pospone e reunion te cu diaranson awor, 6 di februari. E reunion di debate lo sigui pero sin presencia di publico, y esnan interesa lo por sigui esaki via di Internet. Den combersacion cu Prome Minister Mike Eman, kende tabata na palabra na momento cu esaki a sosode, el a indica cu berdad e tema a trece emocionnan di esnan presente den e tribuna. Esaki tabata un poco dificil pa e Presidente di Parlamento guia e reunion pa cual el a dicidi di schors esaki te otro dia. E Prome Mandatario ta spera cu transcurso di dia, e Presidente di Parlamento re-evalua su decision y permiti publico presencia e reunion.

"Esaki ta parti di nos democracia y derecho democratico pa sigui e reunion. E tabata basta dificil pa e Presidente, mi mes a haci un apelacion diferente biaha riba dje pa ta mas tolerante cu e publico, pero na final e Presidente tin un responsabilidad grandi pa un reunion cana den un forma ordena," Minister President Eman a duna di conoce. Di otro banda, e Prome Mandatario ta contento cu e reunion aki ta duna Gobierno e chens pa splica nan vision y investigacion cu a wordo haci riba e precaucionnan haci door di esnan cu ta biba cerca di unda e molinanan di biento mester bini. "Segun tur e investigacionnan cu nos tin riba mesa, no ta e caso cu e tin efecto riba salud di e hendenan," Premier Eman a bisa.

Comentarionan (1)Add Comment
mester
February 04, 2013
186.121.66.131
Votes: +1
...

Si Meneer Damers ta lesa comentario riba 24ora,No permite ningun hende den tribuna laga e politico nan so debati pasobra Mike ta prepara un misa cuanto hende pa bolbe bai hasi desorder pa manan tira c*lpa riba hende inocente i tambe riba partido Mep,dal e porta sera na candal pa ningun hende drenta pleace,No baha cabes pa Mike para strit den bo zapato manera un homber no trose bo palabra

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter