Sunday, 21 December 2014
Premier Eman ta mustra cu Hulanda cu ta hopi estricto: "Ta imposibel pa kere cu e molinanan di biento lo por tin efecto riba salud y Hulanda ta tuma e decision cu den provincianan di Hulanda" Print E-mail
Monday, 04 February 2013 08:54
Comparti
DSC_2063
Prome Minister Mike Eman den un declaracion duna a papia di un maneho cu Hulanda ta hibando pa instala mas molina di biento. El a bisa cu Gobierno a caba di ricibi copia di un decision di Gobierno di Hulanda riba e tema aki.

Den esaki Minister Kamp ta informa Tweede Kamer di e deliberacionnan di ultimo tempo riba instalacion di molinanan di biento pa 6000 Mwt. E deliberacion aki a wordo hiba cu e provincianan pa garantisa e espacio necesario pa logra e produccion aki pa 2020. Pues, e ta bisa, e ponencianan di diferente miembro di Parlamento cu Hulanda a stop cu molinanan di biento no ta berdad. E carta ta papia cu e Minister a yega na un acuerdo cu e provincianan riba molinanan di biento riba tera, y aki ta papia di mas di 2 mil molina di biento compara cu e dieznan na Aruba. "Ta imposibel pa kere cu e molinanan di biento lo por tin efecto riba salud y Hulanda ta tuma e decision cu den provincianan di Hulanda, un pais cu normanan sumamente halto pa salubridad y su ciudadanonan, ta bay pone 2 mil molina di biento den tur e provincianna reparti." Prome Minister Eman a combersa tambe cu Minister Kamp, kende a bisa cu di e manera aki Hulanda ta bay recupera tereno perdi contra p.e. Dinamarca cu ta hopi mas avansa. "Nos ta contento cu un decision asina na Hulanda ta trece hopi claridad den e discusion na Aruba, pasobra e meta cu nos tin cu e desaroyo aki no ta unicamente un desaroyo sostenibel riba tereno di energia pa henter desaroyo di nos pais," Eman a bisa.

Den Parlamento e mandatario a splica cu e desaroyo ariba menciona tin diferente faceta - social/economico - cu un forma mas husto di reparti e bienesnan di e pais. Den esaki ta profundisa e democracia, unda tin dialogo social y participacion di ciudadania den decisionnan importante cu ta tuma pa e pais. Pero tambe tin e burger participatie den decision di cambio y maneho di barionan, etc., cu ta haci desaroyo di e pais mas sostenibel. Den e discurso diabierna den Parlamento el a papia tambe di e ekilibrio cu a logra via di decisionnan cu a tuma cu ta afecta e propio politiconan den nan saco. Esaki ta aspectonan cu ta trece un harmonia den e pais. Tur esaki tin di haber cu e maneho pa un desaroyo di un economia creciente y resultado directo pa e calidad di bida di e hendenan di Aruba. "Ta e totalidad aki y pasonan cu nos ta tumando pa profundisa nos democracia .... ta forma parti di e vision di un pais cu kier un desaroyo sostenibel unda crecemento ta traduci su mes den un miho calidad di bida pa e ciudadanonan. A scoge pa norma y balornan cu e pueblo por identifica su mes cu e desaroyo di su pais cu tin un grado halto di satisfaccion pa e participacion. E ta cuadra cu e desaroyo unda cu energia alternativa ta reemplasa energia cu ta causa daño na naturalesa y cu no ta cumbini salud di e hendenan. Aruba ta canando dilanti riba desaroyo sostenibel.
Comentarionan (3)Add Comment
R.R. Ras
February 04, 2013
201.229.14.183
Votes: +1
...

Uncle Ed kier papia algo manera cu e sa unda tin parke di molina na Hulanda sin sa cu e parke pa Noordzee ta un di e parke nan pasobra ta den henter Hulanda y Alemania tin molina nan y hop mas serca di cas di hende cu loke ta e situacion aki na Aruba. Mientras si ns mira e raport nan traha door World Health Ogranization ta mustra cu e cos aki a bira mas di imaginacion pa motibo di mal informacion nan di un grupito cu ta cotra.

Uncle Ed
February 04, 2013
201.229.76.165
Votes: +0
...

Dicon na Hulanda a pone e molinanan milas pafo den lama Noordzee?

negro felipe
February 04, 2013
46.246.31.131
Votes: -1
...

Simpel, bai canja baca

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter