Tuesday, 23 December 2014
Gobierno: Hulanda ta bin cu 2000 molina mas den algun aña Print E-mail
Sunday, 03 February 2013 19:14
Comparti

windmolens in nederland
Mientras cu na Aruba un discusion feroz ta andando riba instalacion di un parke di molina, un noticia den prensa Hulandes a capta atencion riba e mesun topico aki. Diahuebs ultimo a sali den prensa na Hulanda cu Minister di Asuntonan Economico Henk Kamp ta contento cu un acuerdo riba energia di biento a keda logra.

Prome cu aña 2020 Hulanda ta bay instala un cantidad grandi di parkenan di molina di biento den provincianan, yegando asina e meta pa haci e pais 16% duradero na 2020. E parkenan aki ta garantisa 6 mil Megawatt na electricidad cu ta provee coriente pa 4 miyon di cas. Na januari di otro aña caba ta indica cua ta e areanan unda e parkenan aki ta bin. Aruba tin biento na abundancia y por bay un paso mas leu cu Hulanda cu un solo parke di molina mas pa asina haci e isla aki menos dependiente di petroleo y baha e gastonan halto di coriente. Cu un parke mas di solamente 10 molina Aruba ta bira 20% porciento mas duradero, cu Vader Piet acerca ta yega na un total di 36% porciento di durabilidad. E durabilidad aki ta percura cu no solamente e isla ta bira menos dependiente di e prijs halto y fluctuante di petroleo, pero tambe cu e prijs di coriente na Aruba ta baha. Esaki ta e realidad. Mientras cu aki hendenan ta para linea recta enfrente di otro strobando desaroyo pa motibonan cu no tin base, na Hulanda e Interprovinciaal Overleg (IPO) despues di algun reunion a bay di acuerdo cu instalacion di 2 mil molina mas. A yega na e areglo cu e molinanan aki cu ta garantisa 6 mil megawatt ta wordo instala riba tera y no den lama, pasobra cu den lama ta haci un instalacion asina demasiado caro. Mescos cu na Aruba Hulanda a pone den su acuerdo di gobernacion cu e ta scoge pa un parti grandi di su energia ta duradero. Esaki ta un di e puntonan clave di e gobernacion aki tambe. No mucho tempo pasa Aruba a haci e compromiso pa na aña 2020 e ta 100% duradero. Pa logra e plan ambicioso aki Aruba ta haya ayudo di grandinan riba e tereno aki manera Carbon War Room, Harvard University y TNO. Tur a mira e potencial den Aruba. Ta di spera cu politiconan di oposicion aki tambe mira e potencial aki y no haci wega cu asuntonan di interes general.

Comentarionan (2)Add Comment
Trudy Larmonie
February 04, 2013
201.229.42.117
Votes: +1
...

Bn dia. Shonnan. E asunto di molina di biento ta simplemente un asunto di riconan cu no kier un "mahos" bista cerca di nan propiedad. Mescos cu nan ta bisa tin estudio cu ta bisa e ta malo pa salud, NACIONNAN UNI ta bisa cu esaki NO TA PROBA. Wak esnan cu ta papiando hopi ta personanan liga na MEP cu kier haci di esaki un issue politico PA NAN y pa esnan cu tin cas grandi aya atras. E ciudadanonan humilde no tin problema cune.

Jos
February 03, 2013
186.190.233.253
Votes: +1
...

Hulanda por bin cu 10 mil mes ,pero e gobierno di avp aki mester respeta pueblo tur hende kier energia berde pero no un show berde impagabek smilies/angry.gif

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter