| MEP: Minister de Meza mester a mustra preocupacion pa e situacion di San Nicolas |
 |
 |
| Sunday, 03 February 2013 14:59 |
|
Na varios ocacion nos por tende Minister de Meza indica cu e no ta compronde dicon por tin hende ta contra e parke di molina na Urirama. Segun e mandatario, esnan cu ta contra e parke ta lubida e Pueblo di Sanicolas cu ta soporta e parke di molina na Vader Piet dia aden, dia afor. Pero si ta asina preocupa Minister de Meza ta pa Sanicolas su situacion, dicon e mandatario no a laga evalua Vader Piet promer cu a dicidi di bin cu un di dos parke di molina na Urirama? Na 2004 WEB a laga traha un rapport di impacto social y medio ambiente, un MER, pa mira ki effecto e parke di molina lo tin pa e naturalesa, fauna, y hende den vecindario di Vader Piet. Den e conclucion nos por lesa cu e tempo ey a premira cu e parke lo tin efecto riba e ecologia y e paisahe. Segun e MER, specialmente e buriconan lo wordo stroba den nan habitat, pero cu tempo lo por custuma y regresa na e area. Pa locual ta e paisahe, e lo cambia pa semper y algun hende lo haya e molinanan mahos y algun hende lo gusta nan. Pa locual ta salud di hende, e rapport di MER no ta bisa mucho. Tin poni cu e cas mas serca ta 375 meter lew di e molina cu ta keda mas parti zuid y cu e distancia entre e molina y e cas aki cu e resto di casnan eybanda, ta suficiente grandi pa no haya molester di e parke di molina. Awor na 2012, despues cu e parke a draai mas of menos 3 aña, Minster de Meza ta indica cu e Pueblo di Sanicolas ta sufri di e parke di molina na Vader Piet. Pero e mandatario te ainda no a bisa kiko concretamente ta e kehonan cu tin. Como cu awendia mas y mas estudio ta wordo haci riba e effecto di e molinanan di biento riba salud di hende y mirando e hecho cu e cas mas serca di Vader Piet ta 375 meter lew, nos lo a spera cu Minister de Meza lo a trece dilanti cu ta problema cu salud ta locual esnan den vecindario di Vader Piet ta hayando a causa di e cercania di nan cas na e parke di molina. Pero debi cu Minister de Meza no a laga evalua e parke di molina na Vader Piet, dificilemente nos por sa ki effecto e parke aki tin riba e Pueblo di Sanicolas. Di otro banda, e habitantenan preocupa di Noord a trece nan preocupacion dilanti pa nan salud, e naturalesa y tambe e sitio special di Kapel di Alto Vista y hunto cu mas cuidadano preocupa, nan a manda 5000 firma pa Gobierno pa mustra nan preocupacion pa e benida di e parke di molina na Urirama. Lo ta basta iresponsabel di Minister de Meza pa no tene cuenta cu e preocupacionan aki, ya cu sciencia a avansa y awe nos sa mas riba e effecto di e molinanan aki riba salud di hende. Tambe e hecho cu e Kapel di Alto Vista tin un balor sentimental, spiritual, historico y cultural pa nos Pais, ta pone cu e mandatario no por sera su wowo pa e preocupacionan treci dilanti. Pesey Minster de Meza no por sigi sconde mas pa e 5000 persona nan aki tras di lomba di Sanicolas. E insinuacion di e mandatario cu e Pueblo di Sanicolas ta sufri y pesey e Pueblo di Noord tambe mester sufri parew cu nan, no ta correcto y tampoco responsabel. Si di berdad Minister de Meza ta preocupa pa e situacion na Sanicolas, e mandatario mester laga evalua e effectonan di Vader Piet, promer cu e laga e parke di molina na Urirama bira un realidad. Comentarionan (9)Mustra/Kita comentarionan ...
Den caso cu AVP lo a laga evalua e molina nan na Vaderpiet prome cu a presenta esun na Urirama boso nan mes lo a para ariba pa defende Vaderpiet of no Xiomama? Bo sa masha bon cu kiko cu e gobiern aki bin cu n'e boso nan ta busca tur sorto di forma pa pone den luz negativo y pa usa boso fanatico ciego nan pa bin haci desorden. No papia d e parti spiritual mes pasobra e demonio cu boso kier sembra bao di e pueblo aki lo bolbe bek pa boso mes.
,
February 03, 2013
...
..... anto pa despues boso (MEP) bin bisa cu AVP no a haci nada pa baha e prys coriente cu awa na Aruba. Danki dios cu no ta tur hende ta mes sabi cu bo.
,
February 03, 2013
...
Otro prueba con e hendenan aki ta pensa y haci.
Loke nan a haci (pa family & friends) ta bon, mescos cu Vader Piet. Loke otro ta haci pa pueblo y Aruba ta malo, mescos cu Urirama. Ki dia e negativismo, odio y venganza di e hendenan aki lo stop, pa asina boso drecha boso partido y mas emportante cu hendenan capaz cu entregidad y sentmento pa nan isla.
,
February 03, 2013
...
Hesuse Xiomara ta na San Nicolas,ki mishibo na SN, ay si ellecshon ta den porta dus e ta campaniando.....Ademas boso(MEP)ta e ultimonan pa preocupa pa nos di pariba , dus baha na awa......
,
February 03, 2013
...
Awor e bariga di lodo a perde cu strea di Alto Vista.awor ta parse cu e kier defendenos. Si e hendenan di SN a bisa cu nos ta contra e projecto di molina na VP kiko mep lo a hasi? STOP E? I dont think so, boso lo a sigi iguel cu ne, ta sanicolas tog. Y stop di trese e kapel, si bo kier resa bo ta resa tur caminda no tin nada pa strobabo y pa lugar sagrado, ta hopi pareja ta bay etrasnan. Mucha di skol ta conta con bon e bankinan ta.anto ta mucha katolico. Pues respet no tin. E respet pa e lugar ta anos tin ne mescos cu pa e grotto di Lourdes. Bo sa unda esey ta keda? Stop di MALUSA e kapel.
,
February 03, 2013
...
mep a bini cu e molina y awo bo ta tira palo pa avp?minsa unda boso kier aruba bai mi ta kere enbes y bai barata aruba ta bai caro y mas caro.no bisa abc paso den boso tempo bo por a cumpra kos cu 5 cent 10 cent 25 cent 50 cent awo nn no ta balora mas bo no por cumpra nada cu esey bisa mi kon bo tempo twt tempo lago?
,
February 03, 2013
...
E palabra "experimento" a sali di seno di
MEP den parlamento y a cai den hopi mal tera den nos pueblo. Experimento cu hende tabata algo comun den tempo di criminalnan Nazi den alemania. Esaki ta lo cual ta e ehempel di MEP? Criminalnan? Nos pueblo ta rechaza e actitud sin escrupulo di e pandiya geel...!!!!
,
February 03, 2013
Duna Comentario y/of Comparti riba Social Medi |
Mustra/Kita e formulario di comentario
