Thursday, 28 August 2014
UPP: Re-Arubianizacion! E formula pa trece trankilidad back den nos pais Print E-mail
Sunday, 03 February 2013 13:09

upp

Den e reunion riba Urirama, Mike Eman tabata papia constantemente di e direccion nobo cu Aruba ta bayendo; e unico direccion nobo sinembargo, cu Aruba conoce, ta cu ATRACO a bira ordo di dia. Esaki ta entre otro e consequencia directo di e maneho di porta habri, sin un screening di e record criminal di ningun hende, di e gobierno aki. Si pueblo duna UPP e confianza y e honor pa ta den e proximo gobernacion, pueblo por ta sigur cu UPP lo bai sera e porta back, y tur permiso duna contra ley, lo wordo revoca. Ta entre otro e maneho aki – esta esun cu ta permiti entrada y estadia na personanan cu no tin respet pa nos leynan, tampoco pa nos norma- y balornan, contrario na otro sernan humano cu sí ta biba conforme nos ley-, norma- y balornan – cu tin nos comunidad, den su totalidad, den un inseguridad enorme. Nos ta e unico partido cu cla y raspa ta duna di conoce cu nos lo bai hiba un maneho di admision hopi estricto, pero na mes momento humano; parti di esaki lo ta cu nos lo re-introduci e SWISS-model. Pero pa UPP por hasi esaki, nos mester haya apoyo di e pueblo. Ya caba un di e fundadornan di UPP, Booshi Wever, tempo cu e tabata responsabel pa e maneho di admision, a demonstra cu e no ta hasi wega cu esaki. Hopi no a compronde e maneho estricto aki, pero awor Pueblo por compronde cu su maneho estricto, na unda cu tabatin screening rigoroso, tabata evita e cosnan aki, mientras cu awor criminalnan tin entrada facil aki na Aruba, y cu por bin comete atraconan aki na nos pais. Te hasta e propio coleganan di Booshi, no tabata completamente di acuerdo cu’ne den e maneho aki. E maneho cu UPP lo para p’e, ta cu UPP lo pone nos trahadornan local na prome lugar, y si mester admiti un persona drenta, esaki mester pasa den un proceso di screening estricto y rigoroso riba su record criminal y riba su record medico, tanto riba malesanan contagioso como riba enfermedadnan cronico, y esaki pa un tempo defini (esaki di acuerdo cu e Swiss-model). Banda di e maneho aki riba tereno di permiso di estadia, nos tin un situacion na unda cu gobierno no ta hasi nada pa combati criminalidad, un gobierno cu ta trapa nos leynan, cu ta endeudando nos pais sin misericordia, cu ta trapa riba nos constitucion, etc., etc. Tur esaki ta hibando nos pais den un situacion di inseguridad y di pobresa, degradando nos Pais den un pais den decadencia y di segunda of hasta tercera categoria! Hopi biaha nos ta kibra cabez pa busca un bon palabra cu mester nifica un cambio pa e situacion aki, caminda cu no tin speranza, cu ningun hende ta worry, cu tin un miedo enorme y na unda tur hende ta kedando keto, particularmente esnan cu mester ta esnan cu mester percura pa e balance. Nos ta aceptando tur cos sin para riba nos pia pa stop esakinan. Ta parce cu nos ta hiba e pensamento cu pasobra otro lo por a hasi malo ayera, awor lo ta OK pa awe nos hasi mescos of pio. Abo ta kere cu mester cambia esaki?? Anto bo mester duna UPP e oportunidad pa trece e cambio aki. E palabra cu, segun UPP, ta mihor pa usa aki ta : "RE-ARUBIANIZACION di ARUBA"!! RE-ARUBIANIZACION ta encera: trece back e norma- y balornan, y e respet pa nos leynan y pa otro, calidadnan cu te cu poco anja pasa ainda Aruba por tabata orguyoso di nan; cu e experencia cu nos tin awe, nos por logra cu nos comunidad ta bay cana atrobe den un miho direccion. Ban RE-ARUBIANISA nos Patria Aruba, sin importa di unda bo ta, of di ki color politico, of di ki raza, of di ki religion bo ta. Bo ta biba aki, y bo kier ta un ciudadano Arubiano, esey ta den bo propio man: respeta nos leynan, nos norma- y balornan, nos cultura, y papia nos PAPIAMENTO. UPP t’ey pa abo cu ta ARUBIANO, pero tambe pa esnan cu kier ta ARUBIANO. UPP ta cla pa sirbi boso tur!!

Comentarionan (9)Add Comment
... Low-rated comment [Show]
Pasenshi
February 03, 2013
190.104.107.168
Votes: +4
...

7 comentario sin contenido. Fuera di e criticanan di semper, NINGUN di e "comentaristanan" ta bay riba e asunto mes. Bo kier perde bo derechonan como Arubiano, of abo, stranhero cu a haci di Aruba bo segundo patria, abo kier perde e derechonan cu abo a haya pasobra bo tabata, y bo ta, di buena fe? Realisa bon kiko ta e consecuencianan di e porta habri pa stranheronan di mala fe keda drenta Aruba !

amimes
February 03, 2013
74.82.64.39
Votes: +3
...

Booshi stop di papia coy ken. Si cu bo jiu mes bo a fracasa, con bo kier drecha otro. El que tiene rabo de paja que no se acerque a la candela.

R.R. Ras
February 03, 2013
201.229.42.6
Votes: +5
...

Booshi: sin importa di unda bo ta bin, sin importa di ki color bo ta, sin importa raza y sin importa di ki religion bo ta? Si nos mester pone grabacion di e tanto exprsion nan di Booshi sigur e kier rabia pero tanto den parlamento con e a para ofende partido nan y nan votadornan pero tambe ora cu e ta pazuid di airport ta bebe y ta expresa su mes contra tur esnan cu no ta di accuerdo cu ne. Booshi no priminti loke bo no por cumpli cu n'e.

Pakita
February 03, 2013
201.229.86.58
Votes: +6
...

Pobersito Booshi,bo ta sufri di amnesia ? Tempo cu boso twt den gobierno ba lubida cu ta Orden bo ta duna pa nan keda ki.Ata e fruta di bo BON gobernacion.No kere cu nos a lubida.

Ban serio
February 03, 2013
201.229.12.253
Votes: +3
...

Boosji bo ta kere bo por jega 50 votos despues di tur bo tracion y bagamunderianan?????

Ban serio
February 03, 2013
201.229.12.253
Votes: +4
...

Boosji tempo di bo tempo ta fiesta tawatatin tog???? Ora Rudy croes duna orden pa laga e mucha jong nan drenta di Sto dmingo ta FIESTA

Justicia
February 03, 2013
201.229.11.191
Votes: +7
...

Wishfull thinking .

Spanta pato
February 03, 2013
174.91.110.186
Votes: +6
...

Bobooshi mi a bisabo retira y la politiek pa nos generacion nobo. Di mes bo a traciona Aruba den Parlatino hunto co bo ex coleganan, ta ken bo ta kere ta bai vota pabo y bo ex coleganan. Si boso a sigi den gobierno Aruba lo a sink masha tempo.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter