Wednesday, 23 July 2014
Parlamentario sra. Lorna C. Varlack: Palabranan di Lider di MEP, Pueblo ta mara cu man y pia na e proyecto di Vader Piet y si nos haya gas mayan e no ta bay baha e gastonan Print E-mail
Thursday, 31 January 2013 23:55

lorna varlack003

Loke pueblo mester compronde cu Gobierno di MEP intencionalmente a mara pais Aruba na man y pia na e proyecto di Vader Piet sabiendo cu si Aruba haya gas, e proyecto aki lo no baha e gastonan. Esaki ta e “fast ball” cu MEP a pasa pueblo di Aruba anto. MEP gewoon a experimenta cu e proyecto aki na San Nicolas sin tene cuenta cu e hendenan cu ta biba den cercania di Vader Piet.

MEP conscientemente a expone e habitantenan pa cu riesgonan di salud sin consulta cu nan. Si ta conta pa algun cas so of pa 100 cas , e proyecto di e Parke di Molina na Vader Piet no mester a wordo ehecuta sin un estudio pa cu efectonan di salud. Esaki ta un blunder masha grandi cu MEP a comete. Awe nan kier rectifica e eror grandi aki door di bisa cu e proyecto na Vader Piet ta diferente cu esun na Urirama. Eynan nos por conclui cu e hendenan di San Nicolas ta diferente cu esnan di Noord. E proyecto di Vader Piet a wordo aproba den 9 dia, mientras cu e Parke di Molina na Urirama a pasa den un proceso di un aña of mas pa cu estudionan cu a wordo haci. A tene cuenta cu e delaster rapport y preocupacion cu a drenta Parlamento. Si miembronan di MEP tawata na altura di e ponencia menciona ariba, dicon nan no tawatin e curashi e tempo ey pa para e proyecto aki mescos cu nan kier para e proyecto di Urirama awor? E tempo ey nan no tawata kier ta contra di un proyecto cu MEP a inicia, pero awor cu AVP ta sigui cu e mesun proyecto na un otro lugar ta busca tur sorto di pretexto y argumento pa para e proyecto. Si algo no tin un balor adicional pa pueblo dicon e parlamentarionan actual di MEP presente na e actividad di apertura na San Nicolas a para aplaudi e proyecto pa e districto di San Nicolas? Dicon e tempo ey no a tene cuenta cu e salud di nos hendenan di San Nicolas? Awe durante e reunion di publico hopi politico di oposicion a yena nan boca cu San Nicolas, pero ningun di nan e tempo ey a cuestiona Gabinete Nelson Oduber IV tocante di e proyecto di Vader Piet. Esaki ta un otro “issue” cu MEP a gara pa haci wega politico y na e mesun momento a purba di traha riba sentimentonan di hende pa saca probecho politico. Un actitud hopi baho cu no lo cambia nunca. 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter