Sunday, 26 October 2014
Clarisca Velasquez cu concientizacion pa pueblo riba comportacion den trafico Print E-mail
Wednesday, 23 January 2013 08:45
DSC_2063
Pueblo mester bira conciente di su comportacion den trafico pa no bebe ni papia na celular ora di stuur!

Durante e conferencia di prensa di AVP, Clarisca Velasquez a splica cu mester concientiza nos pueblo riba su comportacion den trafico den tempo di carnaval.

E aña aki Aruba ta celebrando su di 59 carnaval cu ta un fiesta grandi, pero tur hende mester corda riba nan comportacion den trafico, tanto e hobennan como e adultonan y esnan den edad grandi cu ta stuur auto. E ta ripara cu ultimo tempo tin hopi accidente den trafico y esaki ta sosode pa tres motibo principal cu ta coremento na velocidad hopi halto, bebemento di alcohol y papiamento riba blackberry na momento di maneha auto. E mes por a constata biniendo abao mainta cu di 10 chauffeur cu el a topa riba caminda 5 tabata papia riba blackberry pareu cu stuur. El a bisa cu di e comportacion den trafico di cada hende cu ta core auto su bida y bida di otro ta depende. Clarisca ta lamenta cu e por a scucha cu pa motibo di core auto y papia na blackberry alavez, un morto a cay. El a haci un yamada na comunidad pa reflexiona riba esaki, pa concentra den trafico y laga blackberry un banda tanten cu ta maneha auto y a bisa cu mihor bo perde un minuut den bo bida cu perde bo bida den un minuut.

El a splica cu tin un reglamento di trafico cu polis por boet hende cu ta papia na celular mientras ta stuur, pero polis no ta usando esaki y e ta sinti cu ta deber di Parlamento pa haci un cambio den e ley y pone mas enfasis cu tin un articulo explicitamente pa uso di celular ora di core auto. Tambe el a pidi e chauffeurnan pa no core auto si nan sa bebe, of  no bebe ora di core auto, y si ta posible laga un hende cu no ta consumi alcohol maneha pe.

 

Comentarionan (4)Add Comment
RSA
January 23, 2013
201.229.3.211
Votes: +1
...

Clarisca :cu bon ehempel kizas por yuda , pesey cuminsa concientisa na cas den famia rond di bo ; na trabao: bo coleganan parlamentario y boso colaboradornan ; den partido : na cas di partido y boso trahadornan; den Gobierno : tur bo ministernan y nan trahadornan. Y ora tur bo hendenan cumpli cu loke bo ta desea : dirigi bo despues na pueblo!!!

D.T.I
January 23, 2013
201.229.83.228
Votes: -1
...

Hay Clarisca si bo kier pabo coleganan cuminsa boet hende pa papia na cell hopi bon mes di bo banda pero ke hubo si bo por manda un mensaje pa e polis nan cuminsa stop di papia na cell ora nan ta patrulia anto duna ehemple na e pueblo anto e ora ey si bo por aplica e ley pa nos tambe.

mester
January 23, 2013
186.121.66.131
Votes: +1
...

Mira ata BRUHA atrobe abo tin cu duna ehempel pasobra ora bo ta bula riba bo basora bo ta pp na cell awo bo kier pa pueblo bira conciente wel wel.Mi kier wak bo dia cubo ta bek como polis wak si bo ta bai pone ordo den trafico.

Raphael
January 23, 2013
201.229.81.149
Votes: +0
...

Wishful thinking, dear Clarisca. First there will have to be a "cambio di mentalidad" !

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter