Wednesday, 01 October 2014
Democracia Real lo biaha pa Curacao pa amplia cooperacion mutuo cu Aruba Print E-mail
Wednesday, 23 January 2013 08:41
DSC_2063
Andin Bikker, lider di partido Democracia Real a splica den conferencia di prensa semanal, cu nan tin diferente proyecto pendiente cu ta bay duna follow up.

Un di nan ta e bahamento di airport tax cu tabata un tema di campanja di su partido como tambe di AVP, pero cu despues di tres anja di gobernacion no a cristaliza te ainda.

Gabinete di AVP no a logra esaki y di banda di PDR nan a presenta dos mocion cu a ser aproba unanimamente den Parlamento, pero lamentablemente e minister encarga no a logra esey.

Pa trata esaki y otro temanan importante e lo biaha pa Curacao otro siman, pa reuni cu diferente fraccion cu e tin lazonan di amistad, por ehemplo senjor Rosaria cu a logra 4 asiento y ta sostene e gobierno di transicion y senjor Sulvaran. E lo trata di wak e posibilidad pa duna empuhe na e reduccion di airport tax mirando cu e ta na beneficio di tur dos isla.

Otro asuntonan cu e lo bay trata ta e preclearance entre Aruba, Curacao y Sint Maarten, cu ora di sali for di e respectivonan imigracion no tin nodi pasa den e imigracion di douane den e otro isla. Riba esaki na maart ultimo PDR a bin cu un mocion cu a ser aproba unanimamente. Mescos riba e posibilidad pa introduci un servicio di Ferry entre e islanan ABC. Tambe e lo sondea e posibilidad di mas cooperacion entre Curacao cu ta hopi adelanta den servicionan financiero y Aruba den turismo, pa duna otro support y complementa otro den e areanan aki.

Comentarionan (2)Add Comment
RSA
January 23, 2013
201.229.3.211
Votes: +0
...

Andin , corda pidinan e mocion cu a caba di worde asepta den parlamento di Corsow caminda nan ke un ley cu ta pone minister nan responsabel pa mal gobernacion.

asina mes
January 23, 2013
201.229.13.254
Votes: +1
...

Ta tumba contest nos ta bai!!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter