Thursday, 24 April 2014
Parlamentario mr. Xiomara Ruiz-Maduro (MEP): Minister De Meza ta e ultimo hende cu por papia di abuso di poder gubernamental Print E-mail
Tuesday, 22 January 2013 22:52

Xiomara Ruiz Maduro015

Nos a tuma nota di un comunicado di prensa di nos Minister di Finanzas cu ta hiba e titulo: “Cu dialogo social abuso di poder gubernamental ta cos di pasado.” E ta remarcabel cu e comunicado aki ta bin di nos mandatario di Finanzas como cu Minister De Meza ta e ultimo hende cu por papia di abuso di poder gubernamental, despues cu Huez a pone preto riba blanco cu e mandatario aki a abusa di su poder na SIAD.

Ta conoci cu manera Gabinete Eman a yega na mando na november 2009, nan a cuminsa un persecucion politico nunca antes bisto den e departamento di impuesto di nos Pais. Raiz di tur e persecucion aki ta e deal cu Minister Eman y Minister de Meza a sera cu Valero pa e Settlement Agreement na unda cu Gabinete Eman a para na banda di e multinacional y a laga e trahadornan di e refineria y nos Pueblo un banda. E mandatarionan aki a haci todo por todo pa sera e deal aki y pesey tur esnan cu di un forma of otro lo tabata un obstaculo den caminda mester a wordo persigi. Esaki tabata netamente e destino di e directora di SIAD y tambe e Ontvanger di Belasting cu te ainda ta wordo malamente persigi pa Gabinete Eman. Den nan caso di e dos alto functionarionan aki di SIAD, Huez a dicta dia 22 di december 2010 GAZA nr 3282 bou di paragrafo 4.5, cu Minister De Meza a malusa e poder cu ley a dune y a actua contra di un di e principionan di bon gobernacion cu ta e prohibicion di détournement de poivoir, e prohibicion di malusa e poder cu ley ta duna bo. Esaki ta prueba preto riba blanco cu Minister de Meza a abusa di su poder. Pesey Minister de Meza ta e ultimo persona cu por bin reprocha un otro hende di lo a abusa di poder, pasobra e mandatario aki mes ta culpabel di abuso di poder Huez a scirbi esaki preto riba blanco. A base di e veredicto aki di Huez, Minister de Meza di hopi dia caba lo mester a tene honor na su mes y tuma su retiro. Pero e mandatario a keda sinta riba e stul pa asina e persecuion politico por continua pa asina yuda e otro amigonan di partido AVP cu favornan na SIAD. No ta pornada cu a manda traha trampa pa asina mas ehecutivo wordo kita for di nan pocicion y pone marionetanan pa haci e trabou sushi. Un persecucion politico cu consentimento of kizas bon orchestra pa nos Minister President Eman, kende ta laga tur e persecucion aki pasa bou di su wowo y nanishi sin un dia pone un paro na esaki of splica Pueblo kiko ta pasando na e instituto importante aki na nos Pais. Ta bisto cu e abuso gubernamental aki si Gabinete Eman no tin curashi pa pone riba e agenda di dialogo social. Pero Huez a papia bon cla caba, Minister de Meza a abusa di su poder na SIAD. Ya cu e mayoria den Parlamento no tin curashi, ta keda awor na esnan den dialogo social pa caba cu e abuso di poder di Minister de Meza y haci’e algo di pasado.

Comentarionan (2)Add Comment
R.R. Ras
January 23, 2013
201.229.91.143
Votes: +0
...

E politica di sigi busca hende pa c*lpa y ataca otro pasobra boso mes no por a goberna e pais aki na un forma cu pueblo ta mira unda su placa ta bay y pretende cu partido MEP ta Santo. Please bay examina boso consenshi y stop cu e politica di mucha. Politica di mucha ta manera un mucha na kier cu nan a kita algo for di nan y nan tin cu keda yora manera alma malo. Ki dia nos politico nan ta madura?

Justicia
January 23, 2013
201.229.27.135
Votes: +2
...

Mi ta kere cu si bo tabata na scol ,nan lo a sacabo reina di Opstel.Bo no ta cansa ?

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter