Tuesday, 02 September 2014
Booshi Wever: Maneho eratico di Mike de Meza ta sigui cu persecucion di empleadonan di belasting Print E-mail
Tuesday, 22 January 2013 22:11

Booshi Wever015

Siman cu a pasa nos por a mira presentacion di parlamentario di AVP, sra. Lainda Westerhof unda cu e ta presenta su campaña personal splicando pakico y dicon. E kier mira e.o. mas union bou di pueblo y politiconan, y cu nos tur mester traha pa Aruba. E kier sali tambe pa esnan mas vulnerabel di nos comunidad, manera ta nos muchanan y tambe mamanan soltera.

Pa nos sorpresa e siman aki, UPP a ricibi e noticia cu siman pasa, mientras cu sra. Westerhof tabata trata di ta sincero cu e comunidad aki, su mesun colega di partido, esta Sr. Mike de Meza, minister di Finanzas, ta firma decretonan pa asina kita tres empleado publico for di trabou. Ta trata aki di dos tata di famia y un mama soltera cu tabata trahando na Direccion di Impuesto y na Servicio di Impuesto. Esaki, segun sr. de Meza, ta esnan cu a saca informacion di un comerciante aki na Aruba. Mientras cu ya caba den pasado tabatin un persona cu a haci su mes culpabel pa saca informacion di un otro comerciante y cu e tempo ey Directora di Belasting a "ontzeg toegang" pa haci investigacion, Ministro di Finanzas a haya ta bon pa draai e decision aki bek y laga e persona aki bai traha. Segun UPP tin comprendi, cu contra e 3 empleadonan no tin ningun prueba, sino mas bien ta trata aki di un capricho di tanto e minister y su lacayonan na departamento di belasting pa asina elimina e empleadonan aki. E mas tristo ta cu tur tres ta tata y mama di famia cu tin nan compromisonan pa cria nan yiunan, y tambe gastonan manera pago di hipoteca, etc. Di un dia pa otro nan ta habri aña cu e situacion cu nan a wordo manda cas. Pa loke ta trata e señora trahando na Belastingdienst, e caso ta mas tristo ainda, ya cu ta trata di un mama soltera, cu awor mester mira con ta bai cria su yiu y paga su gastonan. Nos por mira cu den e proceso di reorganisacion cuanto hende ta wordo laga den “overtolligheidspoel”. Cuanto ta esnan cu a haci malo, e.o. na belastingdienst mes, ta drenta trabou bek manera nada no a pasa. Mirando cu e personanan aki no a haci nada, y cu a tarda asina tanto pa tuma pasonan concreto, y cu minister no kier miranan eynan mas, por a duna nan oportunidad pa busca otro puesto den gobierno of ponenan den "overtolligheidspoel. Pero no, capricho di minister ta asina grandi, cu ta bai nan tin cu bai y cu ayudo di su lacayonan. Anto e mas tristo ta cu e luna aki, mientras cu e 3 personanan aki no tin entrada mas, ta nombra un directora interino pa Servicio di Impuesto, cu ta baha cu pension. Pues e SI ta bai cobra su pension di ambtenaar, su contrato nobo y su pension di viehez, mientras cu e ta un soltera. Tambe tin un director cu ta den e mesun situacion. Pues situacion scheef, inhusto y sin precedente. UPP ta condena severamente e situacion aki y ta spera cu sra. Lainda Westerhof por duna su punto di bista riba e situacion aki, mirando e supuesto seriedad cu el a presenta su mes siman pasa.

Comentarionan (3)Add Comment
Ban serio
January 24, 2013
201.229.26.38
Votes: +0
...

Mep a laga un neisji di maribomba mal educa eynan y awor mester ruim op de boel ainda tin varios vooral ora di bai entrevista pa trabow bo ta sinti con mepista nan ta y si ba wordo manda door di minister di AVP e ora si nan fuse ta bula. MI TIN E EXPERENCIA EY !!!!

SAPO
January 22, 2013
186.159.114.2
Votes: +10
...

UPP
"Yo y mi partido...y mi partido y yo!!!"

pro-aruba
January 22, 2013
201.229.82.45
Votes: +9
...

Ay Booshi cu su UPP (,,Un Poco Pupu,,) tin hende tur maria y fada caba. Ta kico lo por ta su balor agrega pa pueblo ainda? Gewoon nada!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter