Sunday, 26 October 2014
Minister Ronald Plasterk cu gran aprecio pa maneho di Gabinete Mike Eman Print E-mail
Tuesday, 22 January 2013 16:30
DSC_2063
Diadomingo ultimo Minister di Asuntonan Externo y Relacionnan di Reino Ronald Plasterk a cuminsa su bishita di trabou cu un sirbishi di misa na Seroe Colorado, sigui pa un recorido riba e isla na unda el a haya un bista di e cantidad di proyectonan cu ta andando na Aruba.

Na Marinierskazerne el a combersa cu e hobennan di Formacion Social y tabatin un encuentro informativo cu Kustwacht. Den oranan di atardi Plasterk tabata presente na pier di Renaissance Marina pa hunto cu Minister Eman y su Gabinete yama bon bini na Prof.dr. Ockels, e barco di bela Ecolution y tripulacion. Yegada di Ockels a coincidi cu bishita di Plasterk. Pa ambos e encuentro tabata un momento di hopi orguyo. Mas lat den atardi Plasterk a core den e tram den caya grandi y a haya un presentacion di tur e plannan den Expo-Hall nobo den Caya Grandi.

Dialuna mainta Plasterk a bishita Gobernador di Aruba sr. Refunjol, despues e tabatin un encuentro cu lidernan di fraccion di Parlamento sigui pa un encuentro cu Conseho di Minister. Por ultimo el papia cu prensa. Plasterk tabatin palabranan di masha aprecio pa gobierno di Aruba pa e tantisimo bunita proyectonan cu el a mira durante su bishita cortico. “Mi ta mira aki un reactivacion di Reino na unda Aruba a tuma e posicion di lider. Esaki pa bay en busca di oportunidadnan pa e 4 paisnan den Reino”.

“Hunto nos por haci cosnan cu por haci e mundo aki un miho luga. Hunto nos por percura pa e hendenan por tin un miho bida. Al final di cuenta esey ta e tarea di lidernan politico”. Pa Plasterk e sirbishi ecumenico tabata e punto culminante. Esnan presente, incluso Minister President Eman, tabata parti di un mainta di inspiracion. “Pa mi esaki ta esencial. Ta keda nan nos politiconan pa haci loke bo mester haci como politico. Trata pa mehora e bida di otronan, tuma responsabilidad, duna guia y tin ambicion. Tur e elementonan aki a wordo demostra den forma visibel durante mi bishita aki”.

Plasterk ta haya bunita cu inspiracion ta evidente. P’e e situacion win-win ta bay mas leu cu solamente asuntonan financiero. “E situacion win-win ta tambe inspira otro”.

Comentarionan (3)Add Comment
asina mes
January 23, 2013
201.229.13.254
Votes: +1
...

Propaganda paga pa gobierno.

serapio di mahuma
January 22, 2013
201.229.74.80
Votes: +3
...

Team di campaya 2013 di Mike mes ta toka, nan mes ta baila. Nan mes ta traha un 'heading' pa e noticia como si fuera ta asina a pasa of ta asina a ser bisa.

Sigi traha e bom....

te
January 22, 2013
201.229.30.56
Votes: +3
...

Nanten cu bo ta baila ariba e ritmo di e pais colonialisador semper nan ta elogia y gaba bo, pero ki mishi si bo tribi di contradeci nan mesora nan ta cla pa matabo politicamente. Esaki ta politica di heers en deels

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter