| Minister Dr. Richard Visser ta apoya introduccion di ‘Jetpack’ na Aruba |
 |
 |
| Tuesday, 22 January 2013 12:35 | ||||||
 Comunidad di Aruba por ta orguyoso cu cada bes por mira mas interes pa practica deporte riba nos isla. Banda di esaki, mas deportenan nobo ta wordo promove pa asina e opcionnan por ta mas tambe. Minister di Deporte y Salubridad Dr. Richard Visser recientemente tabata presente durante un training di CrossFit, cual ta un deporte nobo na Aruba y cu ta encera e combinacion di diferente tecnica cu ta yuda e persona mantene su mes saludabel. Den fin di siman, Minister Visser tambe tabatin e honor di participa di un training di e deporte nobo conoci como ‘Jetpack’. El a splica cu e ta un persona cu ta gusta di e deportenan extremo y esaki ta pas net cu esey. A agrega cu a trece dos di e aparatonan pa practica e deporte aki cu cual bo por bula bay halto al estilo di ‘Iron Man’ y el a bay test un di nan. Cu e aparato aki por bay te hasta 15 meter halto al estilo “ Ironman “ y bula cune den awa cu ayudo di un ‘power pack’. “Esaki ta mustra nos cu tin asina hopi cos den deporte pa bo keda activo. Zorg pa e ta fun y zorg pa semper bo wanta un tiki variedad. Si bo ta gusta e cosnan aki bay test nan. Ta un otro manera di haci un tiki sport, ta pafo pero ta den full un otro ambiente”, e mandatario a expresa. Segun Minister Visser, e deporte aki ta wordo practica banda di e hotelnan y ta algo cu a caba di cuminsa. “Ta algo hopi great y hopi interesante pa wak”. Un persona cu kier practica e deporte aki no mester ta den condicion. Tin personanan cu ta guia bo y ta indica con pa anda cu tur cos. Un persona cu ta core motorcycle of cu ta stuur lo por sa di mantene e balans y bay tambe den haltura manteniendo e control, Dr. Visser a laga sa. Ta un deporte nobo y algo cu ta wordo introduci na Aruba, “pesey mi kier a bay test’e di biaha. Ta un actividad, por ta no full un deporte of disciplina, pero e persona ta cansa y mester tin hopi focus riba dje. Actualmente, Minister Visser a bisa, e actividad aki ta wordo promove pa e turistanan y a resulta di ta algo hopi interesante. “Tur hende, nan soño, ora nan tabata chikito tabata pa tin un jetpack bay halto bula. Esey mi a bay haci”, a agrega.
Comentarionan (9)Mustra/Kita comentarionan ...
Okay, you all know I sympathize with the current Eman administration. But seriously, is this dude for real? I think he just lost it. Dude you are a Minister of Health and Sports, and not of The Life of Rich and Famous. "Earth to Richard" This is not a health suit nor a sport suit. They have a saying for this among us the youngster of someone looking for attention....."Attention _ _ _ _ _" - OTFL
,
January 22, 2013
...
si mi no ta hera e "jackpack" mane minister ta jame, ta mas un atraction cu e ta un deporte..
y delaster biaha cu mi a check nan twt costa nobo 200.000 dollar, awo tin stock 2012 rebaha pa 75.000 euro  esaki ta un deporte hopi caro mes ! 
,
January 22, 2013
Duna Comentario y/of Comparti riba Social Medi |
Mustra/Kita e formulario di comentario
