Saturday, 20 December 2014
Gabinete Mike Eman ta sigui duna sosten na deporte Deportivo Nacional a haya su tereno propio Print E-mail
Monday, 21 January 2013 18:52
Comparti

Dep Nacional IMG 3354

Recientemente Gobierno y Directiva di Deportivo Nacional a sinta hunto pa firma e traspaso di tereno pa nan sede nobo. E ocasion a bay den un ambiente di hopi satisfaccion y plannan pa futuro den presencia di Minister di Infrastructura Benny Sevinger, Minister di Deporte Richard Visser y Prome Minister Mike Eman hunto cu miembronan di e club. “Ta un momento di hopi alegria cu awe tardi nos por firma e tereno cu ta bay wordo pasa pa Nacional. ” Minister Sevinger a indica añadiendo cu “Pa hopi aña tabata lucha pa un tereno di nan mes.” Danki na Gabinete Mike Eman a haya un tereno bunita, cerca di naturalesa. Spera cu nan soño como club ta cumpli y tambe pa yuda e hobennan den promocion di deporte di futbol.” E tereno ta ubica den cercania di tanki di Alto Vista y ta consisti di riba 16 mil meter cuadra. E club ta masha contento cu e traspaso y ya caba ta trahando pa hacie limpi moda cu por cuminsa haci uzo di dje y tambe construi nan sede. “E ta un alegria inmenso,” un fanatico di e club a expresa na momento di e firma. Rafi Wilson, President di Deportivo Nacional a indica cu directiva, directiva diario y henter e club ta cla pa cuminsa traha. “Pa nos ta un dia historico. Ban spera cu e ta djis e comienso,” Sr. Wilson a declara. E facilidadnan cu e club deportivo tabata yama cas te cu aworaki ta den Palm Beach, pero ta un tereno priva cu e famia doño ta bay bende. Nan a haya oferta pa cumpr’e, pero naturalmente, como un organisacion deportivo, nan no tin e fondonan necesario pa cumpr’e of huur’e. Recientemente Nacional a cera forsa cu e muchanan di Washington y hunto kier sigui promove e deporte rey. Minister Sevinger a indica cu Presidente di Parlamento, Paul Croes, kende tambe tabata presente na e firma, a hunga un rol importante den e logro. Como un sostenedo fuerte di e bario di Noord, Croes tabata yama constantemente pa mira con leu e tramitenan tabata canando. “Pronto mi ta spera di por ta akinan pa saca e prome bala. Nos ta hopi ansioso di wak con e ta keda,” Sevinger a conclui bisando.

album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter