Monday, 01 September 2014
Minister di Turismo a ricibi bishita di cortesia for di GM nobo di Radisson Print E-mail
Monday, 21 January 2013 17:52

minister otmar y gm

Diabierna (18 di januari 2013) Minister di Turismo Otmar Oduber a ricibi bishita for di e GM nobo di Radisson Aruba Resort, Sr. Mark Lyttleton-Frances. Durante e bishita aki nan a intercambia ideanan pa cu anja 2013 tanto encuanto mehoracion di producto Aruba como tambe cambionan cu lo tuma lugar den Radisson Aruba Resort. Ta asina cu e mandatario a haci uso di e oportunidad pa elogia Radisson pa e remodelacion cu nan a haci na 355 camber y areanan publico anja pasa.

Esaki a logra pa Radisson Aruba yega na e EDR cu Radisson ta conoci pe. Minister Otmar Oduber a duna un splicacion tambe riba e logronan sumamente alentador den turismo cu a tuma lugar den 2012. Mas cu claro poniendo enfasis riba e 4.4% di crecemento den e cantidad di turistanan di estadia pa 2012, cu a surpasa e meta di 3%, unda cu a conta cu un aumento di camber manera planea den e ultimo kwartaal. Ademas e mandatario a elabora riba e organisacion di e ATA independisa, su director nobo pa Merca cu ta in place, como tambe e team di mercadeo cu ta percura pa promove Aruba den exterior y cu ta preparando diferente iniciativanan nobo pa por logra trece mas turista mericano nos isla. Sin laga afor, manera e mandatario a indica, cu 60% di e budget ta digitalisa. Asina aki por conta cu tur transaccion pa inovacion ta tuma lugar mucho mas liher y eficiente. Minister Oduber ta sumamente satisfecho cu e GM nobo di Radisson, mirando cu e plannan cu su persona a presenta pa cu e era nobo di Radisson ta contribui na mehoracion di e calidad di producto Aruba, cu ta un di e metanan principal di e maneho turistico di Minister Oduber.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter