Sunday, 20 April 2014
Rene Herde:e reunion cu Minister Plassterk ta bay ta interesante Print E-mail
Monday, 21 January 2013 13:47
DSC_2063
Awemainta ta tuma luga e reunion cu minister Roland Plassterk di Hulanda. Tur lider di fraccionnan den parlamento ta invita pa ta presente. Tambe e tres miembronan independiente cu tin e status di lider di fraccion.

Pa e lider di AVP, Rene Herde e lo ta un encuentro interesante pa diferente motibo. Na prome luga e ta un oportunidad pa topa di nobo cu e persona cu den pasado a ocupa e posicion di minister di enseñansa di Hulanda y cu tin ideanan masha creativo y inovativo pa enseñansa. Sr. Roland Plasstek ta den esaki un "amigo" den pensamento riba enseñansa. Un didos motibo pakico e reunion aki ta bay ta asina interesante, ta pasobra ta bay wak con algun di e lidernan di oposicion ta bay uza e reunion aki pa purba descredita gobierno di Aruba y e desaroyo cu Aruba conoce awor aki compara cu e situacion apenas tres aña pasa. Ya e lider di MEP a anuncia cu ta bay entrega un documento riba finansas publico di Aruba. Den pasado MEP a entrega cartanan na parlamentarionan y na Minister Presidente di Hulanda. Nan ta haci esaki cu e intencion pa duna informacion cu nan ta kere cu e parlamentario of ministernan Hulandes no tin.

BON INFORMA

Loke e lidernan di oposicion cu kier descredita Aruba no kier accepta, ta cu no tin nada nobo riba terenonan importante di gobernacion cu e minister hulandes no sa ainda. Tanto for di prensa local, como for di e raportnan cu e miembronan di parlamento mes ta saca nan informacion (= raportnan di Banco Central, CBS, Controlaria General y di gobierno mes), e ministernan hulandes y nan conseheronan ya a haya tur informacion relevante. E informacion aki ta publico. Ta pa motivo di e transparencia den gobernacion awor, (contrario cu loke tabata sosode den pasado) cu tanto na Aruba como den exterior, informacion manera riba finansa publico ta completamente conoci! Ta cua informacion e lidernan di MEP y UPP ta kere cu gobierno di Aruba ta uza ora e papia cu gobernantenan hulandes aki na Aruba of na Hulanda? Loke ta mas interesante, ta con ta uza e informacion aki pa soluciona cualkier problema cu tin. Esaki ta hiba na un otro aspecto interesante di e reunion awe. Esta e relacion entre gobierno di Aruba y di Hulanda, y con ta uza e relacion aki pa atende asuntonan comun y busca solucionnan pa problemanan cu tin. Pa logra solucion pa cualkier problema den cooperacion cu gobierno di Hulanda, mester tin confiansa y tur informacion mester ta riba mesa. Pa e partidonan MEP y UPP en especial, e relacion cu Hulanda ta uno casi indesea. Semper MEP (y awor UPP) a bisa cu gobierno di Hulanda no tin nada di bisa den asuntonan interno di nos pais. A yama gobiernonan di AVP pa tur sorto di cos, pasobra AVP semper a logra traha bon cu tur gobierno hulandes y soluciona problemanan cu tabata tin. Awor aki mes ta desaroyando un pilar nobo pa economia di Aruba cu cooperacion di gobierno Hulandes. (= Aruba como centro pa relacionnan comercial entre Europa y Sur America) Mescos cu den pasado durante di gobernacionnan di AVP, no tabata tin nada pa sconde pa Hulanda. E actitud anti-Hulanda y di desconfiansa pa cu gobierno di Hulanda cu semper tin bou di gobiernonan di MEP, no ta existi awor aki. Ta pesey, cu tur informacion, riba tur tereno na Aruba, na nan disposicion, parlamentario y ministernan hulandes ta entusiasma cu e desaroyonan cu ta tuma luga na Aruba awor aki. Nan tambe sa cu tur gobernacion tin su retonan. Specialmente den tempo di crisis manera ainda mundo ta aden. Pero ora nan wak cu apesar di e crisis severo y su consecuencianan grandi, tin accionnan di gobierno y di parlamento, hunto cu gremionan den Dialogo Social, pa soluciona problemanan cu tin y crea oportunidadnan di desaroyo nobo, nan tambe ta yega na e conclusion, cu e gobernacion ta riba bon caminda! E negativismo cu miembronan di oposicion ta bay desplega awe dilanti di e minister y su conseheronan, ta bay refleha masha malo pa nan mes. Nan por spera en todo caso e pregunta di e hulandesnan, ta kico ta nan alternativanan pa desaroya Aruba y sak'e for di e crisis. Ami kier tende kico nan ta bay bisa e minister di e gobierno hulandes, cu nan mes a yama "neo-colonial" y kico nan lo presenta como nan maneho alternativo. Pasobra na Aruba mes no a tende nada di esey e ultimo tres aña y mey! Den nomber di e fraccion di AVP, ami ta bay conta con den apenas tres aña a pone Aruba riba un caminda yen di desaroyo nobo cu ta duna oportunidad y empleo nobo. Mi ta bay pidi minister Plassterk pa wak rond di Aruba, papia cu nos hendenan y huzga pa su mes. Y mi ta bay sigur'e tambe cu apenas nos a cuminsa riba e bon caminda aki!

Comentarionan (2)Add Comment
ridic*lo ...............
January 21, 2013
201.229.70.197
Votes: +5
...

cada biaha cu mi wak Baba,
mi tin pensa ariba Mickey Mouse.
Mike's Mouse.

rod
January 21, 2013
201.229.44.214
Votes: -4
...

Mester a duna tambe copia di contractnan di
famia Croes den gobernacion di MEP.....!!!
Historia di "Papa" ta maraviyoso: di famia humilde
di Santa Cruz pa miyonario y donjo di banco.....!!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter