Wednesday, 23 April 2014
Miembro di Eerste Kamer sra. Quik-Schuit (SP) “E cambionan na Aruba ta bisto tur caminda” Print E-mail
Friday, 04 January 2013 17:43

Quick Schuit IMG 2921

Sra. Nanneke Quik-Schuit (SP) a forma parti di e delegacion di Eerste Kamer cu tabata riba un bishita di trabou na Aruba. Hunto cu su coleganan el a haci un recorido den e tram den caya grandi. Den un entrevista cortico sra. Quik a splica un poco di e bishita cu e delegacion a haci na Aruba. E bishita ta den cuadro di e transicion cu a tuma luga riba 10.10.10 y e delegacion kier mira pa su mes cu e desaroyonan ta riba e otro islanan despues di e cambionan aki.

E delegacion a bishita Gobernador di Aruba sr. Refunjol, tambe a haci un bishita cerca Cuerpo Policial, nan a bay WEB NV, tambe a reuni cu miembronan di Parlamento y riba agenda tabatin ainda un intercambio di pensamento cu Conseho di Minister. Sra. Quik a splica cu despues di Aruba nan ta bay Boneiro, Saba, Sint Eustatius, Sint Maarten y Corsou. “Di e bishitanan aki nos ta traha un raport di loke nos a experencia. Ora nos ta bay haci un evaluacion di e transicion nos ta haci uzo di e raport aki, mescos cu nos a haci di un bishita anterior”. Sra. Quik a yega di bishita Aruba den pasado caba y e ta bisa di ta haya cu e cambionan ta bisto tur caminda. “Caya grandi a bira mas bunita, miho bisa e isla a bira mas bunita. Tambe mi ta hopi impresiona cu loke mi a mira na WEB. E ‘drive’ cu tin eynan pa sigui cu innovacion y tambe con ta trata na baha e prijs pa e comunidad a hala nos atencion. Mi mester bisa cu WEB a laga un bon impresion atras”. Despues di e recorido den caya grandi e delegacion a cana bay Bestuurskantoor na unda e reuni cu Conseho di Minister. Na final tanto e hefe di delegacion sra. Linthorst como sr. Swagerman tabatin solamente palabranan di masha elogio pa e trabou cu gobierno ta haciendo. Nan a priminti di lo haci nan esfuerso pa yuda Aruba den su relacion cu Reino, un relacion di cooperacion, loke ta e meta di e actual gobierno.

Comentarionan (3)Add Comment
versman
January 05, 2013
201.229.37.219
Votes: -1
...

Tin biaha ta bon pa hulandesnan bin wak kiko ta kiko aki na aruba. Nos no ta comparabel cu e otro islanan. Nos tin progreso visibel y ta bkn pa nan tambe wak e.

chuckyman
January 05, 2013
201.229.37.219
Votes: -2
...

@toelsy: nunca mi a yega di lesa un comentario cu ta 'missing the point' dje stado ey. Increibel. Sea bo ta politiek verziekt cu no por mas of bo ta simplemente un idioot. Y e ultimo ey ta parcemi mas probabel.

toelsy
January 05, 2013
84.105.175.86
Votes: +0
...

wel shonan nunca mester a perminti hulanda mishi cu Aruba su Status. Hulanda no tin lei ni cu nan mes un hulandesnan europeo. korda di e Arubiano nan cu nan ta burla di dje.Cu e hulandesnan mes a hera baha e cobierno hulandes manera cu e la sinta.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter