Thursday, 27 November 2014
Miembronan di Eerste Kamer a reuni na Aruba cu Conseho di Minister Prome Minister Eman Print E-mail
Thursday, 03 January 2013 20:33
Comparti

IMG 2973
Un delegacion consistiendo di seis miembro di Eerste Kamer y dos griffier ta di bishita na Aruba, pa despues sigui pa e otro islanan. Diasabra e di shete miembro ta uni su mes na e grupo.

Nan tin un agenda basta pisa, pero a tuma tempo pa hunto cu Prome Minister Eman y Minister Sevinger y Visser, core den e tram den caya grandi. Miembronan di Infrateam tambe tabata presente pa duna un splicacion na e invitadonan. Despues di e recorido den caya grandi e delegacion a cana bay Bestuurskantoor pa un reunion cu Conseho di Minister. Despues di e reunion aki Prome Minister Eman a bisa di ta contento di por a intercambia di pensamento di loke hunto por haci den Reino. “Aruba ta mira hopi oportunidad den un cooperacion constructivo dentro di Reino. Nos ta activamente envolvi den esaki”. Eman a bisa cu nan a papia en extenso cu e miembronan di Eerste Kamer over di e oportunidadnan cu tin pa Reino, pa Hulanda y pa Aruba, si e concepto di haci di Aruba un gateway di Latino America pa Europa y vice versa, wordo hiba a cabo. E tin tur atencion na e momentonan aki. Den concreto, gobierno ta organisando un evento masha importante na luna di Mei, yama “Europe meets the Americas”. “E idea ta pa durante e evento aki concretisa e concepto di gateway aki dor di yega na acuerdo y convenionan entre empresarionan Hulandes y hasta Europeo y Latino Americano”. Eman a sigui bisa cu gobierno ta mira den e concepto aki na unda nos no ta stens pa riba relacionnan bieu di pasado unda e liñanan tabata cana antes, pero mas for di un punto di bista madura y di un cooperacion constructivo. Uno cu ta duna un otro sorto di contenido na Reino. Uno cu ta miho pa ambos parti di Reino y cu por mustra e comunidad riba e balor adicional di Reino. Prome Minister “Nos ta entusiasma cu e atencion constante cu Aruba ta hayando di Eerste Kamer di Hulanda pa loke ta nos desaroyonan. Cu masha placer nos a core un rato den caya principal cu e delegacion aki”. E raport financiero economico di Aruba cu gobierno di Aruba a entrega na e miembronan di e delegacion ta hiba e titulo aplicabel “Aruba op de rails”, simbolisando unda Aruba kier bay den tur sentido di palabra.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter