Wednesday, 01 October 2014
Miembro Eerste Kamer drs. Marijke Linthorst: “Aruba tin liderazgo cu vision y optimismo” Print E-mail
Thursday, 03 January 2013 20:29

eerste kamer linthorst IMG 2965
Seis miembro di Eerste Kamer di Hulanda y dos griffier ta na Aruba pa un bishita di trabou. Despues di un lunch cu Parlamento di Aruba na unda un que otro a keda discuti y un buelta den e tram den caya principal e delegacion a reuni cu Ministernan di Aruba.

Hefe di e delegacion y presidente di e comision fiho di Relacionnan di Reino di Eerste Kamer sra. drs. Marijke Linthorst (PvdA) a contesta preguntanan di prensa despues di e reunion aki. Sra. Linthorst a bisa cu reunion cu nan tabatin cu miembronan di Parlamento mescos cu esun cu gobierno tabata dirigi con yega na un cooperacion di tal forma cu por fortifica y yuda otro na bienestar di e comunidadnan. Riba e pregunta si nan a haya un carta cu keho di oposicion sra. Linthorst a bisa di no a lesa esaki ainda, pero mescos cu tur carta cu nan haya, esaki ta wordo trata den forma serio y adecua. Riba e pregunta cua ta e impresion cu e ta hiba Hulanda di Aruba Linthorst a contesta di e siguiente forma. “Loke mi ta haya asina bunita ta e entusiasmo cu Aruba ta radia. E dinamismo. Esaki no tabata solamente cerca e miembronan di Parlamento y Gobierno, pero tambe cerca otronan. Awe mainta nos traha eynan. Asina entusiasma e tabata. Un entusiasmo cu ta indica cu tin confiansa den futuro. Tin un dinamismo na Aruba cu ami ta pensa cu si muchanan haya mita so di e dinamismo aki, anto tur cos ta bay ta bon”. Pa loke ta e situacion financiero di Aruba sra. Linthorst a bisa cu esaki ta un tema cu ta wordo discuti un otro biaha y mas den detaye, pasobra e ta algo complica. “Loke si mi por bisa boso ta cu nos ta sumamente satisfecho cu e resultadonan cu Aruba a logra pa haci e isla menos dependiente di solamente turismo. Pa loke ta turismo mes, a haci esaki mas notable y yamativo pa asina e isla ta keda den tram pa centro di ciudad bo ta keda corda cu esaki a sosode na Aruba y no den un otro isla den Caribe”. Sra. Linthorst a comenta cu e kier ta masha franco pa loke ta un bon relacion cu Reino. “Si nos kier mira resultadonan ta haciendo esaki den e ultimo añanan. Nos tambe ta invertiendo. Loke nos mester admiti ta cu Aruba a funciona asina bon cu Hulanda no a dun'e hopi atencion y esey no ta bon. Mester inverti tambe den paisnan ambicion di Hulanda pa haci algo di Reino semper tabat'ey.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter