Thursday, 28 August 2014
Miembro Eerste Kamer mr. Ben Swagerman: Eerste Kamer kier pa Aruba yuda e otro Islanan tambe tuma un Rumbo Positivo Print E-mail
Thursday, 03 January 2013 20:17

eerste kamer swagerman 00
Miembronan di Eerste Kamer cu ta riba un bishita di trabou na Aruba pa despues sigui pa e otro islanan a keda masha impresiona cu tur loke nan a mira aki. Nan a bisa cu e dinamismo y entusiasmo di Aruba ta wordo sinti den tur skina y cerca tur hende y empresa cu nan a bishita.

Mescos cu e lider di e delegacion sra. Linthorst, Ben Swagerman (VVD) a bisa prensa cu e tambe ta haya cu e dinamismo di Aruba ta bisto. Swagerman: “Loke mi kier trece padilanti ta cu e dinamismo y entusiasmo riba e isla ta haya masha hopi aprecio positivo, sigur di nos banda. Nos lo haci nos esfuerso pa hiba esaki bek cu nos Hulanda. E situacion di Aruba ta bon. Aruba ta trahando den un bon forma. Tin hopi iniciativa cu a wordo desaroya caba y tin mas na caminda”. Swagerman a comenta tambe riba e concepto y vision di Aruba pa loke ta e funcion di e gateway. Un funcion cu gobierno di Aruba ta promoviendo cu masha ardor pa algun tempo caba y ta wordo culmina den un conferencia “Europe meets the Americas” na luna di Mei venidero. Swagerman ta haya cu esaki merece atencion y mester sirbi como ehempel pa otro islanan di Reino den Caribe. “E ora bo ta haya e coherencia cu ta duna un extra aprecio y cooperacion for di Hulanda”. Un pa un e miembronan di Eerste Kamer a mustra nan satisfaccion cu e situacion di Aruba. Nan ta bay bek cu recuerdonan agradabel di e isla aki cu su hendenan amabel, su tram, su encanto, su dinamismo y entusiasmo.

Comentarionan (3)Add Comment
bosstuff
January 06, 2013
84.80.2.154
Votes: +2
...

Mi ta spera cu Aruba no sea lamchi. Bisa e macamba ney cu e otro isla nan ta NAN responsabilidad manera prescribi den statuut di Reino Hulandes. Ta kico e macambanan ta kere anto? Aruba tin su propio problemanan pa soluciona y cu nos Status Aparte nos mes ta solucionanan. Hulanda mester laga nos na pas y bemoei cu su eigen zaken cual ta inclui e otro islanan!!!

The Baron
January 05, 2013
201.229.19.50
Votes: +2
...

Hopi bon "Mojendi",E miembronan di Eerste Kamer ta papia di e "Rumbo Positivo",pero no pa ARUBA.Nan ta papia di e "Conferencia Europe meets the Americas" cu lo yuda Hulanda sali di so problema Financiero cu nan tin den Europa.Pero te awor aki ARUBA no a gana nada cu tur e Conferencia nan ey,Solamemte ARUBA a hinca placa aden.Ta bon bo puntra bo Partido unda e "Dividento-nan " a bay.ARUBA su Prome Min. ta masbien un "Salesman" di Hulanda cu Prome Min. pa ARUBA.Kita e Bril ey.

Mojendi
January 04, 2013
31.151.210.190
Votes: -5
...

Boso (esnan di e partido GEEL) lesa y scucha bon kiko e hendenan (Eerste Kamer) aki ta BISA, pa mañan boso no troce o cambia nan palabra, manera ta boso costumber di haci caba, como si fuera hende.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter