Saturday, 25 October 2014
Parlamentario mr. Xiomara Ruiz-Maduro (Fraccion MEP): Mocion di MEP pa renoba Arco Iris Kleuterschool a keda aproba unanimamente Print E-mail
Thursday, 03 January 2013 18:15

Dak asbest Arco Iris

Promer cu e vacacion di fin di aña un parti di e dak di Arco Iris Kleuterschool a sufri daño debi na awacero fuerte cu a presenta. Como cu e dak di e scol preparatorio aki ta di asbest y ta mas di 60 aña biew, Fraccion di MEP durante e reunion publico di presupuesto suppletorio, a entrega un mocion pa pidi Gobierno atencion debido pa e situacion cu a presenta y tambe pa pone fondo disponibel pa renoba e school completamente. E mocion aki a keda aproba unanimamente pa Parlamento di Aruba.

Den e mocion nos Fraccion a urgi Gobierno pa laga e instancianan concerni haci un investigacion di e daño cu a tuma lugar na e dak di asbest y pa laga e instancianan concerni haci un investigacion di e otro trabounan cu mester tuma lugar pa asina renoba e scol preparatorio completamente. E scol tin 60 aña di existencia y ya tabata na turno pa wordo renoba completamente. Nos a urgi Gobierno tambe pa aloca e fondonan sea den e Fondo di Enseñanza cu a wordo lanta poco tempo pasa, sea den FDA of den presupuesto 2013 di Pais Aruba pa asina haci e renobacion aki mas liher cu ta posibel. Como cu e dak di asbest a kibra, esaki ta forma peliger pa salud di e muchanan, maestronan y mayornan. Pa e motibo aki nos a urgi Gobierno pa aloca Arco Iris Kleuterschool na un lugar na unda e muchanan y e maestronan por ta safe di e peligernan di asbest y pa informa e maestronan y mayornan di e scol mas pronto cu ta posibel riba e alocacion temporario di e scol. Mester remarca cu autoridadnan concerni hunto cu e cabesante di e scol na momento cu nan a constata e peliger cu a presenta, di biaha a tuma e decicion corecto di sera e scol y manda e muchanan cas te ora haya mas claridad di e peliger di asbest cu a presenta na e scol. Esaki ta di aplaudi y ta mustra cu nos a bira mas conciente di e peligernan di asbest y cu nos a siña di a casonan cu a presenta na entre otro Sint Anna School y Mon Plaisir. Locual si ta di lamenta ta cu e mayornan te ainda no a wordo poni na altura cu ta debi na e peliger di asbest e scol preparatorio aki a wordo sera. Ta di spera cu e rapportnan di investigacion di e instancianan concerni keda finalisa pronto pa asina e maestronan y e mayornan haya sa kiko a pasa enrealidad na e scol. Nos ta spera tambe di tende di Gobierno den e proximo dianan na unda e scol lo wordo aloca temporalmente. Ban spera cu den e caso di asbest na Arco Iris Kleuterscool Gobierno actua debidamente y ehecuta e mocion di MEP pa renoba e scol completamente.

Comentarionan (5)Add Comment
E dama cu ta care pa e hende di Aruba!
January 04, 2013
201.229.79.160
Votes: +2
...

Tremendo logro. Arubiano cu tin Aruba na pecho!

Mojendi
January 04, 2013
31.151.210.190
Votes: -4
...

Miho boso keda den oposicion anto, pasobra como gobernante boso no ta haci niun klier, sino solamente practica e ofishi di dede largo.

rod
January 04, 2013
201.229.46.60
Votes: -3
...

Sra. Ruiz Maduro tin tres anja ganando
un salario di parlamentario y su logro
mas grandi ta drecha un airco...Den e siguiente
eleccion Save Aruba from MEP!!!!

what"s up
January 03, 2013
201.229.43.24
Votes: -2
...

Ni ki boso purba di hasi 4 anja mas pa berde dimes!!!!

Leoncio Thomas
January 03, 2013
201.229.80.114
Votes: +1
...

Pabien Xiomara, bo ta demostrando bo grandesa. Eingelijk abo mester a bira e lider di MEP.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter