Wednesday, 20 August 2014
Benny Nisbet(PPA): PPA lo dirigi nos maneho na ensenansa prioridad como prioridad number uno Print E-mail
Thursday, 03 January 2013 13:46
DSC_2063
Durante ana 2013 PPA su maneho como e partido ‘social democrata’ cu mas ana di existencia den nos sociedad lo ta dedica na projecta nos opinion y maneho riba: Ensenansa prioridad no. 1 di partido PPA, sigui pa ‘Diversificacion di nos Economia riba tereno Economico, Saneamento di nos FInanzas Publico, un Evaluacion critic y adaptacion necesario di nos sistema Social Laboral y atencion pa e maneho di Salubridad Publico.

Esaki lo ta nos maneho a termina cortico y mediano. Manera conoci PPA ta hasi esaki poniendo “E ser humano central na tur momento !”

Saneamento di nos Finanzas Publico:

PPA for di oposicion pafor di parlamento, como den cual rol cu nos pueblo duna nos despues di eleccion proximo lo dedica atencion serio na saneamento di nos Finanzas Publico. Por bisa cu e proximo gobierno lo hereda e crisis financiero di mas grandi cu cualkier otro gobernacion a jega di heredad. Un debe nacion di casi 900 million florin mas ….cu nan mes a hereda. Cu ana 2013 dentro esaki No kabe duda cu e deficit NACIONAL lo crece un otro 300 million florin hasciendo e DEBE NACIONAL crea pa Gabinete Mike Eman …bao di e ‘watch politico di Ministro di Finanzas sr. Mike de Meza un debe CREA ACERCA DI 1.2 billion florin !! Hasciendo e debe NACIONAL un debe di alrededor 3.4 pa 3.5 billion florin cu pueblo y generacionan cu lo sigui nos lo mester paga.

Fuera di esaki cu deficit financiero riba presupuesto  di mas cu 300 million florin riba papel …pero cu den realidad lo resulta un deficit di 600   million florin. Maneha un Isla manera Aruba bao di e circumstancianan asina lo rekeri un abilidad enorme cu confianza di nos sector Priva y atencion enorme pa locual realmente ta necesario y kiko kizas nos. PPA lo implementa un maneho financiero realistico y pragmatico !! Y sr. Mike de Meza lo bai den historia politico como e ministro di Finanzas mas malo cu pais Aruba a conoce.

Ensenansa, Prioridad no. 1 di PPA, :

Nos prioridad no. 1 esta Ensenansa lo ta dirigi pa pone e studiante central na tur momento mientras nos kier duna e maestro e reconocimento necesario y e instrumento necesario pa por hasi un trabao professional na tur momento. PPA ta sinti cu den Ensenansa Arubanto tin espacio pa hopi mehorancion. Na prome lugar nos Ley di Ensenansa Obligatorio lo mester worde ejecuta y Controla. Tambe PPA pa anas largo ta e unico partido politico cu ta pone atencion den nos maneho pa un ‘control conjunto annual’ di e resultado di kada ana escolar. PPA ta projecta un maneho cu lo ensera un ‘relato annual traha pa Inspectie di Ensenansa anualmente riba e asina jama ‘Staat van het Onderwijs” cual lo mester keda presenta TUR ana na September na Ministro di Ensenansa, cu na su turno ta manda esaki pa Parlamento y tur Instancia den e veld di Ensenansa. Consecuentemente ta fiha un siman durante full e veld di Ensenansa y finalmente Parlamento ta intercambio cu nos Ministro di Ensenansa. E conclussionan anualmente lo mester worde traduci den maneho pa mehoracion nos Ensenansa den tur sentido di palabra. Den maneho di PPA lo tin un accento formal pa ‘Ensenansa pa esnan major di Edad/volwassen Educatie’ tambe !! PPA lo keda boga pa un Centro di Ensenansa worde construi den Pueblo di Savaneta !!

Comentarionan (7)Add Comment
Mojendi
January 04, 2013
31.151.210.190
Votes: +1
...

Djis aki, Benny mes ta bay cuminza hari su payasadanan cu e ta papia.

poison
January 03, 2013
108.235.255.95
Votes: +4
...

Benny bai ta Payaso na mondi. E ultimo persona cu Aruba lo vota pe no ta ni abo pasobra hamas un hende cu diez placa di sinti por vota pa un persona asina rencoroso y cu nunca a hasi nada pa Aruba. Benny tempo cu Leo Chance a bandona PPA no tabata pasobra e no tabata stima PPA rabata pasobra e NO por a soportabo. Tempo cu Eddie Werleman a bandona PPA no ta paso e tabata kier sino paso e no por a soporta di mira con abo tabata hundi Aruba como minister. Awo T Monica y Mike a bandona PPA no ta paso nan tabata kier pero nan tampoco por a soportabo. Sigui traha coup pa keda lider di PPA manera bo a hasi semper pero no lubida cu pueblo no ta kens. Bo a lanta partido nobo pa bo keda lider pero ni kiko bo hasi no lo trese PPA bek. Mi kier bisabo for once and for all ABO A CABA CU PPA. PPA lo lanta bek E DIA CU BENNY BAI.!!!! Stop di pusha un cos cu no por.ARUBA NO KIER BO Y PUNTO.

Arubiano = Benny
January 03, 2013
201.229.78.228
Votes: -4
...

Benny, un homber documenta y balente.
Sinia di fracaso.
Lubida e pasado.
Papia, y si mester grita, sin miedo.
Danki, Arubiano balente.

coromoto
January 03, 2013
201.229.7.227
Votes: +4
...

despues di 2 mil anja ta celebra nacimiento di jesus. 2 mil anja ta spera riba resuceracion di jesus i ainda dos siman pasa ainda e no po a resucita, anto con benny por kere cu bennyboy si por resucita for di santana despues cu mike de meza a dera 7 anja pasa. benny go sleep

stop di zeur
January 03, 2013
201.229.76.38
Votes: +5
...

Benny, talvez bo famia tin e cs aki scondi pabo pero e resto di Aruba si sa cu bo a muri hopi anja pasa. Ta lubida nan a lubida di dera bo curpa. Segun mi bo ta sigi Vale Croes cu un one man show awo cu Vale a bai cu pensioen. Pero at least Vale tbt bale la pena paga pa bai wak e. Descansa na paz.

un rubiano
January 03, 2013
201.229.19.110
Votes: +5
...

Ta tristo pa wak con hende cu nunca a asi nada kier pretende cu awor si nan lo hasi algo. E tempo cu nos ta cai pa promesanan falso a caba despues di 8 anja di gobernashon di MEP unda e unico cos cu a wordo hasi ta jena nan mes un saco. Y e esnan cu haya cabei boto no a pone Aruba como prioridad door di critica e henedenan aki. Sr Nisbeth bay cu pensioen laga nos na pas

Zombie
January 03, 2013
201.229.72.61
Votes: +3
...

E tempo cu bo a haya un cabei boto serca MEP, bo no a haci un donder! Nan a te hasta duna bo e titulo di sapato biew. Awor cu bo gritonan den desierto, manera un alma malo, bo kier pretende di bin cu tur cos. Pueblo a rechasa bo categoricamente y no kier ni mira ni tende nada mas di bo!!! smilies/angry.gifsmilies/angry.gifsmilies/angry.gif

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter