| Minister Arthur Dowers ta orguyoso di Ta trahando pa duna contenido na loke un instituto coreccional mester ta |
 |
 |
| Friday, 28 December 2012 10:13 | |||
 Diadumingo ultimo a tuma lugar un concierto di pasco den KIA. Integrantenan di e grupo di canto tabata e presonan mes. Esaki ta den cuadro di nan poceso di resocialisacion. Minister Arthur Dowers tabata presente pa batisa e CD di un grupo di detenido di "Interne Begeleidings Afdeling" di KIA.
E grupo aki ta yama nan mes "Red Poison". E mandatario a duna un palabra di elogio na e management team di KIA. E management Team a cuminsa cu un trayecto di resocialisacion cu no tabata existi antes y ta dunando asina contenido na loke un instituto coreccional mester ta. Cu introducion di e proceso aki ta cumpliendo cu locual a priminiti na inicio esta di hasi di e instituto aki di berdad un instututo cu ta coregi esnan cu pa unof otro motibo a cai den mal caminda. Minister Dower a bisa di ta sumamente orguyoso di por ta parti di e programa y a gradici ministerio publico, tur boluntario y e management team pa nan dedicacion. E mandatario ta sigi bisando cu e progama aki ta posibel danki na e cambionan introduci ultimamente den e instituto. No solamente a pone un management team pa maneha e organisacion pero danki na cooperacion cu Cuerpo Polical a entrena un grupo grandi nobo di cuidador di preso. Danki na tur e esfuerso aki tipo di actividadnan asina ta bira posibel. Finalisando e Minister dowers a manda pabien na tur cu a contribui den un of otro forma na e programa di resocialisacion. Tur proceso tin su momento nan bon y momentonan menos bon pero tur esaki ta parti di desaroyo y crecemento. Ta importante pa keda motiva y sigi traha pa hiba nos pais pa dilanti.
|
Mustra/Kita e formulario di comentario
Educacion no ta dresa scol so, pero e contenido ta na vloer. Nada pero nada a worde haci riba innovacion di ensenjanza. Un fracaso total. Evalua e minister nan y boso lo sa kcual no ta bin bek sigur sigur.