Thursday, 28 August 2014
Parlamentario Booshi Wever: "Open TBC" y "Kinkhoest" mester keda un avisocontra e peligernan evindente di maneho di porta habri pa stranheronan Print E-mail
Thursday, 29 November 2012 19:16

Booshi Wever013
Despues cu na comienzo di november mester a lamenta e fayecimento di un criatura di apenas 6 siman pa motibo di e - na Aruba ainda poco conocí - malesa “kinkhoest”, awor nos pais a wordo sacudí pa e noticia di un 5 caso di “open TBC”, esta e TBC den su pio forma. Aunke e fuentenan di ambos malesa ainda no ta conocí, e situacion mester ta un aviso (waarschuwing) pa nos, cu nos mester prepara nos poblacion pa un posibel explosion si no tuma e medidanan of precaucionnan necesario.

Y e medidanan mester cuminza na establece e sitionan cu e patient(nan) a bishita den e ultimo dianan/simannan, y invita (“sommeer”!) tur esnan cu tambe a bishita e sitionan ey, pa nan pasa na Departamento di Salud pa un checkeo (mantoux-test), y vaccinacion (por lo menos si e vaccin ta disponibel). Ya a pasa mas cu un siman despues cu e casonan na Colegio Arubano a bira conocí; tempo precioso a bay perdí, durante cual ya e prome medidanan por a wordo tumá, si e fondonan ta disponibel. Aunke ainda no a determiná e fuente cu a contagia e victimanan na Colegio, ta obvio si cu e maneho actual di e gobierno aki riba tereno di admision ta haci e riesgo pa contagio door di importacion, mucho mas grandi. Mi maneho encuanto asuntonan di admision tabata enserá entre otro cu e stranhero, prome cu e por a haya un permiso, mester a haci un torax pa determina si e ta sufri di algun malesa, especificamente di tbc! Sin embargo, fuera cu minister Benny Sevinger, encargá cu LTU, a habri porta pa stranhero, a abolí e “Swiss Model”, a “doek op” Guarda Nos Costa” y a pone bao di Polis, y ultimamente a extende e “toeristisch verblijf” te cu 180 dia, a yega na mi conocimento tambe cu hasta e checkeo medico ela para! Pues ela habri porta pa e importacion di cualquier malesa, cu den mayoría caso ainda ta desconocí na Aruba. Ta conoci cu e introduccion di e Swiss Model a encontrá bastante critica y resistencia. E Swiss Model sinembargo tabata pa proteccion pa henter e comunidad di Aruba. For di comunidad ta yega awor señalnan di comprension pa cu e Swiss Model, pero na mesun momento tambe di lamento pasobra - awor cu a kita e Swiss Model, no tin control mas, y turista ta drenta pa 2 siman, pero ta haya extension te cu 180 dia - malesa por wordo importá pasobra no tin control riba salud; pues e comunidad di Aruba cu tabatin e proteccion di e Swiss Model, ta weita e proteccion ey bay perdí. E consecuencianan di e maneho nobo riba LTU ya ta dunando su “frutanan”, y cu e importacion liber di malesa - liber, pasobra NO tin control door di Departamento di Salud - e consecuencianan aki lo bira visibel tambe den un salud deteriorá di nos comunidad. Ta hopi cla anto, cu pa e bishitantenan for di e paisnan cu ta conocí cu tin e malesanan contagioso aki, mester re-introduci e exigencianan di control, cu pues na nos parecer no ta wordu aplicá mas. Antes emigrantenan for di un pais entre otro manera Haiti y pais asiatico, cu ta conocí pa e malesa tuberculose (TBC), mester a presenta nan buki di vaccinacion. Pa por traha, nan mester a haci un X- Thorax foto, y acudi na DBZ. Ora un trahador a resulta positivo pa un of otro malesa contagioso, DBZ tabata avisa Dimas, y Departamento di Guarda Nos Costa tabata wordo notificá pa tuma e pasonan necesario; e departamento aki sinembargo, manera bisá caba, a wordo “opgedoekt”, cu tur e consecuencianan cu esaki ta trece cu n’e. Cu e extension di e “toeristisch verblijf” te cu 180 dia, y pa motibo cu un control NO ta tuma lugar - corda cu minister Dowers a yega di sugerí pa nos mes hiba e control y avisa su ministerio -, e peliger ta bira mas grandi ainda! Con leu e portanan ta ser habrí pa stranheronan - tambe stranheronan cu un pasado dudoso – mi a ilustra caba den un comunicado anterior; mesun modus operandi – di acuerdo cu informacionnan ricibí di un taxista – a ser aplicá e siman aki atrobe, ora 33 persona cu lo a subi e crucero en cuestion na Cartagena, a keda atras na Aruba. Personanan cu probablemente ya a ser acomodá pa nan sponsor, y ta cla pa drenta e mercado laboral ilegalmente. E 33 personanan aki tambe lo por forma ademas un peliger pa salud di nos comunidad si un of mas di nan tin un malesa contagioso. Di acuerdo cu informacion, bao di e personanan aki pa colmo tin tambe uno cu ya a ser deportá caba for di Aruba. E introduccion di e “Leerplicht” tambe tin su consecuencianan; si antes den e Swiss- model "gezinshereniging" no tabata posibel, awor un supuesto “voogd” ta acerca juez pa haya e voogdij, y e menor mester bay school te ora cu juez duna su veredicto. Den e situacion aki lamentabelmente Dimas NO tin control, pasobra nan NO ta wordo envolví den e proceso! Ta conocí cua ta e isla den vecindario, y e pais den Sur America unda tbc ta un malesa “comun”; minister Sevinger, minister Visser y e gobierno aki tin idea pa adapta nan maneho pa cu e dos paisnan aki? Of nan ta pone salud di nos comunidad na un segundo lugar, basta nan haya e votonan, specialmente esunnan procedente di e isla?? Un pregunta mester hasi na e comunidad di Aruba: boso ta di acuerdo cu e maneho di porta habrí, sin control algun ni screening algun, ni criminal ni medico, locual tin como consequencia cu por ehempel bo yiu por ta sintá den klas cu un mucha cu TBC? Awor tur esnan cu a demonisá mi maneho stringente, lo compronde e motibonan, pues proteccion di cada un persona cu ta biba aki na Aruba. Consenshi di Benny y di Richard mester por cuminza papia y remordenan!

Comentarionan (8)Add Comment
omp
November 30, 2012
201.229.77.81
Votes: -3
...

Cientifico nan a bisa ora inses tuma loga bo ta hanja hopi handi cap ROCK chek e booki telefon 30 anja pasa di Aruba, si bo ke mas detaje mi por plika bo.

The Baron
November 30, 2012
201.229.124.135
Votes: +3
...

Bon Sr's Comentaristanan boso cu semper a papia di "Bril di Palo",ami kier sa ta ki "Bril" boso tin bisti.Boso no ta comprede cu e "Malesa TBC" ta hopi peligroso?????Ta bon pa check ta di unda "E Imigratenan" ta bini cu tin "TBC",blijkbaar cu e Haitiano ta e Imigrante cu mas tin e "Malesa di TBC",check na Dokternan di cas of Hospital.Pls Check e cos aki hopi Bon.

tracker
November 30, 2012
201.229.66.80
Votes: +0
...

Pues den e logica di Booshi, latino cu realmente ta bin como turista no por tin TBC dus no ta forma peliger, ta solamente e latinonan cu intencion pa traha akinan por tin TBC, Igualmente ignorante ta ponencia di "rock" cu den casi tur famia colombiano tin un hende handicap: what a load of crap.

@@@@@
November 30, 2012
201.229.11.157
Votes: -1
...

Un ta 8 anja largo mep a laga nan drenta??? 3000 florin pa cada cabez colomiano ta bai den saco?? Awor nos ta piki e frutanan zuur....tur pa via di e manejo di 8 anja largo di mep cu a laga tur e stranheronan drenta voor een appel en een ei...i awor nan kier bin c*lpa avp...bin bij om!!

Candelario Wever
November 30, 2012
201.229.83.199
Votes: +5
...

@Rock, si bo lesa bon, kiko mi a scirbi bo lo ripara cu nos tabata tin regla cu tur hende mester a hasi testnan medico, tanto pa malesa cronico como contagioso, pero e gobierno aki a elimina e testnan aki. Ta pesey mi preocupacion pa nos comunidad.Mi tin mesun preocupacion cubo.

rock
November 29, 2012
201.229.29.227
Votes: +6
...

Dept. di permiso mester pone regla. AZV tambe pester por pone regla. Den Dialogo Social mester trece e punto aki dilanti. No por acepta den ningun manera acepta pa llena e lugar aki cu hende handicap. Ya caba bo ta mira cuanto mucha ta cana rond cu defecto riba e isla aki. Esaki no por, esaki ta canba cu nos AZV, anto ni pabo ni pami. Ban mira gobierno cuminza tuma accion.

rock
November 29, 2012
201.229.29.227
Votes: -2
...

Bo-boshi esaki bo mester a hacie den 8 anjanan cu boso a goberna. Pero e tempo ey no tabata tin e pueblo na pecho. Pero esaki ta pa pone enfasis riba e departamento cu mester regula permiso. Y na e Minstro tambe. E stanjero mester pasa test medico na Aruba. Hopi latino tin famia cu handi-cap. Aruba no por carga cu e gastonan aki. Un pareja cu bin biba y hanja permiso mester por wordu prohibi di trece su yui handicap Aruba. AZV no por carga cu e gastonan aki. Mi no ta discrimina pero nos no por carga e gastonan aki. Ami a mira hopi caso p.e. na Colombia, caminda den casi tur famila tin un caso di handicap. Ley ta pone cu bo no por separa e famia, pero esaki no por, anto no bin biba na Aruba.

Zombie
November 29, 2012
201.229.71.180
Votes: -2
...

Booshi, bira serio, omg! Stop di haci politica barata. Bo ta purba tuma pueblo haci. No tin hende bobo mas manera bo ta kere! Abo ta menos di papia riba remordimento di consenshi. smilies/angry.gifsmilies/angry.gifsmilies/angry.gif

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter