Friday, 31 October 2014
Minister Arthur Dowers Atentadonan contra nos economia ta ricibi castigo mas pisa Print E-mail
Thursday, 29 November 2012 19:09

minister-dowers-281112
Un asalto of otro crimen cu ta wordo cometi contra un turista ta considera un atentado contra e economia di Aruba y p'esaki Ministerio Publico ta pidi y hues ta duna un castigo mas fuerte, Minister Arthur Dower a splica. E mandatario a añadi cu e realisacion di e cameratoezichtproject lo aumenta siguridad den area di hotelnan y otro areanan; esaki tin un funcion importante den prevencion di crimen.

Den e caso di e atraco ariba dos turista cu a tuma luga diamars banda di 9'or y 45 di anochi, e mandatario a bisa cu el a wordo informa cu Cuerpo Policial y Atraco Team tin tur informacion necesario y ta investigando e caso. E ta di lamenta cu un bes mas tin hende den nos comunidad cu ta haci malo, nan ta scoge pa haci daño na nos economia y esaki naturalmente ta wordo teni na cuenta den corte, Minister Dowers a expresa. E cameratoezichtproject ta canando su caminda; ya el a pasa Economische Zaken y ta den proceso pa entrega na Fondo Desaroyo Aruba (FDA), Minister Dowers a bisa. E proyecto aki, pa cual lo pone camaranan di siguridad cu ta wordo monitorea 24 ora pa dia na luganan strategico, lo tin un funcion importante den prevencion di crimen. Minister Dowers a comenta cu no obstante e presencia di e camaranan y monitor, esaki no lo elimina completamente e posibilidad cu tin hende sea droga of yen di malicia cu lo purba comete un acto contra ley. E proyecto aki ta trece cun'e ta e oportunidad pa autoridadnan monitor diferente area y actua preventivo cu mas eficiencia y efectividad. Tambe autoridadnan lo tin na nan disposicion un bon instrumento cu ta provee informacion importante pa si acaso algo mester tuma luga den e area aki cual ta rekeri investigacion. E titular di husticia a bisa cu el a atende diferente reunion cu gremionan y hotelnan e siman aki. El a expresa un compliment pa tur e hotelnan cu a aumenta nan siguridad y ta trahando cu Cuerpo Policial pa cu esaki. Minister Dowers ta lamenta cu tin un hotel cu no ta haciendo nada den e area di siguridad, y el a expresa cu e ta spera di pronto por reuni cu representantenan di e hotel aki tambe pa papia tocante cambio den esaki. Minister Dowers a bisa cu e ta satisfecho cu e reaccion di polis y comunidad na momento cu e atraco a tuma luga diamars, como cu te na momento aki polis a haya diferente informacion cu lo por yuda pa yega na un solucion di e caso aki. Concluyendo Minister Dowers a bisa cu tin varios detencion a cay caba den diferente caso y ta spera mas detencion den e proximo dianan den casonan cu ta causa un situacion di insiguridad na nos pais.###

Comentarionan (2)Add Comment
El
November 29, 2012
201.229.71.24
Votes: +16
...

Minister, awe nos a jama 2 biaha pa Elmar drecha e luznan di caja dilanti un Hotel Grandi. Mi mes acaba di traha 9or awe nochi y caja ta scur. Nos tin 3 dia ta jama caba, pero nada ta pasa. Ayera un latino a horta un tas di turista na beach anto nos a jama Polis 2 biaha y no a ni coy telefoon. Tin grabashon con e l****n aki ta coy e turista su tas. E problema ta neglihencia di marca mayor. Papia bunita pero no hasi nada. Ami tin miedo di bisa turista pa cana dilanti hotelnan paso no ta safe mas pa nan. Stop di papia pero actua awor!!!!

The Observer
November 29, 2012
201.229.40.62
Votes: +2
...

Danki! Por fin ta cuminsa pone mas enfasis riba importancia di seguridad, tanto pa nos mes hendenan personalmente, como tambe pa seguridad di nos biS**tantenan y consecuentemente pa nos economia, fuente di nos sobrevivencia material. Ohala cu tur hende realisa, cu tur sorto hortamento ta malo den tur sentido; horta ta un forma di corrupshon, mescos cu tur sorto di corrupshon ta un forma di horta. Ki dushi lo ta si nos por elimina tur forma di atraco por completo for di Aruba...

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter