Thursday, 24 April 2014
Parlamentario Booshi Werver: Fin di Movember no kiermen fin di concientisacion pa cu malesa di cancer Print E-mail
Thursday, 29 November 2012 19:06

Booshi Wever009
Luna di november ta yegando su fin, y cu ne tambe e “campaña” mundial extra-ordinario pa durante un luna largo e hombernan laga nan moustache of barba crece, pa asina concientisa comunidadnan riba e malesanan di cancer, y duna atencion extra na nan victimanan, y yuda bringa e malesa. Como victima di e malesa aki, den su forma di cancer di prostaat, ademas fungiendo como protagonista den caricatura, mi tambe a yuda contribui na e concientizacion pa cu e malesa aki, door di laga mi moustache crece; ya pa diasabra awor mi por sigui feité, y lo mi tin mi apariencia di custumber.

Tabata un satisfaccion di tende bastante amigo bisami cu, tanto pa motibo di mi contesta riba e pregunta “pakiko e moustache”, como pa motibo di e caricatura, nan e dicidi di bula e drempel di berguenza y haci e test di prostaat; cu hasta un adversario politico, Parlamentario di AVP, a haci e test, ta proba cu e accion NO tabata conoce frontera! Na esnan cu ta sufriendo di cualkier sorto di cancer, mi kier manda un palabra di corahe, forza, y specialmente di fe den Dios; muy en especial un prima y un primo kende tambe ta luchando contra e malesa di cancer, mi ta desea hopi forza y fe pa surpasa e prueba aki. Ta danki na e corahe y e fe cu mi tabatin, ya caba mi ta 5 aña liber di e malesa ey. Y esey ta posibel pa boso tambe! Mi ta convencí cu e lucha pa para e malesa aki, un dia lo duna su fruto, ora cu e medicina ser descubrí cu lo combati e malesa cu exito. Forza na tur esnan cu ta victima di e malesa aki!

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter