Monday, 28 July 2014
Parlamentario mr. Xiomara Ruiz-Maduro :Miembronan di sindicato mester pidi nan lider sindical pa splica nan e idioma cu Minister de Meza ta papiando Print E-mail
Thursday, 29 November 2012 11:38
DSC_2063
For di basta dia nos Minister De Meza ta purba splica nos cu e finanzas publico di nos Pais no ta bon. Manera custumber e mandatario aki no ta asumi su responsabilidad pa splica kiko e ta haciendo pa mehora nos finanzas publico, pero mas bien e ta busca forma di tilda e gobierno anterior di a laga un situacion financiero desastroso atras.

Awor hasta e mandatario aki a cuminsa bisa cu e no por cumpli cu e palabracion di indexering cu e gobierno anterior a firma cu e sindicatonan na 2008. Pesey e miembronan di e sindicatonan cu a participa na e demostracion di 7 siman, cu urgencia mester pidi nan lider sindical pa splica nan ta ki idioma Minister de Meza ta papiando awor.

Aña pasa ainda nos Minister di Finanzas tabata papia di un acuerdo historico di 8 december 2011, na unda supuestamente sin un demostracion di 7 siman largo e empleado publico a recibi su indexering pa compensa e perdida di poder di compra. E dia aki tambe nos Minister di Finanzas a indica cu entrante 2013 lo cuminsa recupera e 8% fiha den e Protocol di 2008 y cu esaki lo mester wordo recupera den tres pa cinco aña. Awe cu nos ta na vispera di 2013, nos Minister di Finanzas parce di a lubida di e acuerdo historico aki. E mandatario a cuminsa papia otro idioma bisando cu e no sa si Gabinete Eman lo por cumpli cu e acuerdo di 2008 pa e inhaalmanouvre di 8%, pasobra e presupuesto y e estado precario di nos finanzas publico no ta brinda espacio pa por cumpli cu e acuerdo aki.

Mirando cu nos Minister di Finanzas diripiente a cuminsa papia otro idioma, nos mester puntra nos mes, ta con por ta cu nos Minister de Meza kende hunto cu Minister Eman e tempo ey den opocicion a fomenta y apoya e lucha di 7 siman di e ambtenaar pa indexering, awe ta papia otro idioma? Ta con por ta cu despues di e gaba cu e acuerdo historico di 8 december 2011, awe ni un aña despues ta lubida di presupuesta e compromiso aki y no por cumpli cune? Dicon diripiente un aña despues e situacion financiero di nos Pais ta asina malo cu no tin espacio pa cumpli cu e ambtenaar? Ta con por ta cu Gabinete Eman tin placa pa cumpli cu cosnan cu no ta necesario, manera e boto di Wubbo Ockels, cu e locura di tram, pa pone y kita asfalt pa loco, pa pone klinkers tur caminda y pa e biahamento rond mundo di Minister Eman y awor no tin placa pa cumpli cu e acuerdonan historico cu e ambtenaar cu ta esun cu ta haci gobernacion posibel?

Pesey awor aki e miembronan di e sindicatonan cu a participa na e demostracion di 7 siman mester pidi nan lider sindical pa yama un reunion urgente pa asina splica nan ki idioma Minister de Meza ta papiando den e dianan aki. Specialmente e lider sindical cu a dirigi e manifestacion cu a pone Aruba bay plat pa 7 siman, awor mester duna cara na su miembronan y splica ta kiko a para cu e lucha aki y tambe cu e acuerdo historico di 8 december 2011. Pasobra si Gabinete Eman tin placa pa Wubbo, klinkers, asfalt y biahenan di nos Minister Eman, anto mester por tin placa pa e empleado publico.

 

Comentarionan (4)Add Comment
Takenpor
December 01, 2012
200.46.56.18
Votes: +0
...

Hmm.....proaruba mester tin admiracion pa e juf aki cu semper e ta dedica tempo pa pone comentario negativo pa e juf......ta kiko a pasa , e seniora di cas no tin tempo mas pa bo proaruba??? Of ta e paycheck di tur luna tin bo asina???

pro-aruba
December 01, 2012
201.229.83.245
Votes: +2
...

Papiando idioma cla! Xiomara hues a bisa ,,A,,! Pakico Eddie Briesen no ta bisa ,,B,,awor? Eddie a bay manera den un reflexion pisa! Pakico bo ta defende ,,un caso perdi cu yama MEP,, , cu asina tanto fulgor? MEP ta na werki om! Si Eddie no por bisa ,,B,, , papia idioma cla bo mes tambe awor, y djis bisa ,,B,, pe! MEP a coy awa blau, anto pisa!

prorubiano
November 30, 2012
201.229.35.155
Votes: +4
...

xiomara bo por ta sigur cu si empleadonan publico mester sali 7 siman of mas atrobe pa nos haya nos indx. bo por ta sigur cu nos lo bolbe haci esaki sin ningun tipo di miedo. pero nos tin sigur cu P.M no lo kier wak esaki paso sino AVP tambe lo ta mescos cu MEP cu tin placa pa tur cos menos pa empleadonan publico.

pro-aruba
November 29, 2012
201.229.70.42
Votes: +6
...

MESTER keda ,,ripiti,, cu ta e gobierno anterior di MEP tabata uno fatal pa pueblo! Ocho(smilies/cool.gifanja di amargura! MESTER MESTER MESTER MESTER keda ,,ripiti,, esaki y keda ,,ripiti,, esaki! MESTER keda ,,ripiti,, cu despues di e eleccion na 2005 MEP a bin cu un hala di medida cu a kibra nek di e pueblo. Anto tur esaki na un manera masha scondi mes! Ningun momento MEP a anuncia esaki di antemano durante campanja! Ta e matutino DIARIO a bin ta revela esaki despues cu MEP ya tabata caba un anja den gobernacion! NO tabatin placa pa empleado publico e tempo ey, cu MEP a laga ta putri 7 siman largo ta welga riba caya! Awe nos mester saca placa pa Wubbo, klinkers, asfalt y biahenan di nos minister Eman, pa promove, embeyese y pa nos ilustre PM EMAN internacionaliza, y engrandece nos dushi ARUBA.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter