Durante patruya, polis a mira un grupo di adicto ambulante ta huma nan pipanan di base den un skina den un cura habri dilanti di e conocido P. Polis a baha for di auto y un di e hombernan a cuminsa cana direccion nort.
Polis a sigui’e. Mirando esaki, el a scoge pa core bay. E tabata tin un rugtas cun’e. El a core drenta den Boliviastraat. Akinan el a laga e rugtas y su slofnan atras. El a sigui den Nicaraguastraat, Weststraat y sigui den Braziliestraat. Den Braziliestraat el a bay sconde tras di un auto. Despues el a cuminsa core atrobe y na altura di Colombiastraat, el a bula den un cura ya core y despues bula parti patras di un cas riba un tereno habri. Djey el a sigui su ruta den Colombiastraat. El a drenta un hanchi y purba di bula un porta halto di hero. Polis a gar’e na su jeans y a cuminsa scop formalmente cu su pianan den direccion di polis. E persona aki ta anda ilegalmente riba e isla. El a keda deteni. E incidente a sosode diahuebs siman pasa. Den su saco e tabata tin un sker, un pipa di base. Den e rugtas tabata tin un cantidad di hermen. El a declara cu e ta biba riba caya y no tin manera pa sobrevivi. El a wordo hiba na warda di Playa y entrega na personal di IASA.
