E persona, kende a duna resucitacion na e mucha muhe Portoriqueño, kende a sufri un accidente grave mientras cu e tabata hunto cu su famia di vakantie na Aruba, ta esun kende a haci un donacion di 15 mil dollar pa por cubri e ambulance aereo.
Segun un entrevista manteni cu e secretario di salud, Rafael Rodriguez, pa WAPA TV, a splica cu ya caba tur hende, incluyendo e directora di e Hospital Pedriatico Rio Piedras ta en espera di e yegada di e hobencita, kende a perde un di su miembronan den e accidente lamentabel aki.
E mucha ta comatoso, y paralisa pa no shaci mucho esfuerso respiratorio. Mirando cu el a perde su pia, pero ta sperando pa e yega y haci e assessment medico pa mira kico ta e condicion real di mucha.
A haci un negociacion na oficina di departamento di salud cu Aero med, na momento cu a ricibi di noticia y a mobilisa. un compania kier a cobra entre 32 y 34 mil dollar. E persona di Aero Med, hunto cu dr. Roberto Roso kende ta asesor di Rodriguez, a haci algun gestion cu e avionnan di e aerolinea na Repulica Dominicana y ta cobrando practicamente 15 mil dollar. Djis un credit card nan mester tin pa mey anochi. E ora e persona Sean Weeland, ta un polis retira, a usa su credit card pa cubri e gasto. E ta biniendo cun’e tambe den e avion.
Yednielyz Perez Rivas, di 7 aña a biaha hunto cu su famia den un crucero diasabra ultimo y diaranson nan a sufri un accidente mientras nan tabata biaha den un UTV ora cu nan a sufri un accidente. E mucha ta esun cu a wordo mas afecta y a perde parti di un pia. E mucha ta yegando e hospital na Puerto Rico danki na e colaboracion di e pueblo Portoriqueño, como tambe pa e esfuerso di e gobierno estatal, sin lubida e polis retira, cu a yuda den e proceso fastioso aki.
