Diasabra den oranan di atardi e Polisnan di Noord durante patruya a topa cu un ilegal den e area di Arashi. Mas bien a mira e movecion sospechoso di e persona y kier a bay atende cune. Den e area turistico ta bon pa atende cu figuranan straño. Ora cu Polis a bay atende cune el a sali core.
E kier a core na pia pa Polis. Polisnan tambe a bay su tras y el a core drenta un apartamento. A logra pone man riba dje. Esnan eybanda na e mesun apartamento a bisa cu nan no conoce. Mas bien el a core drenta pa sconde pa Polis. Sinembargo esey no tabata berdad. E realidad ta cu e ilegal Venezolano ta kedando den e apartamento ey. Tur su cosnan tabata den e apartamento cu el a core pa purba sconde y burla pa autoridad di Aruba. Despues di detene a pidi presencia di dogcatcher cu a bay cune warda.
