Dialuna marduga pasa di 2or a drenta informacion cu tin un pelea formal andando na Dubai Nightclub. Esey ta Ex Funchal Bar den Wilhelminastraat. Ora cu e prome unidad di Polis a yega, nan a topa cu multitud di hende. Cos Tabata basta cayente. Polis a pidi refuerzo y cuminsa mira kiko ta pasando. A bisa cu tin hende cu a haya sla y no ta reacciona. Esaki no Tabata e caso. Mientras cu e Polis Tabata mira e situacion a start un pelea den e parkinglot dilanti e lugar. Polis a bay mesora atende cu e pelea y mester actua cu man duro pa hala e dos bringadornan for di otro. Un di nan a perde yabi di auto. Mas Polis a yega. A mira presencia di Polisnan di Noord, di Playa, Flex Team y hasta Santa Cruz. Despues cu Polis a pidi tur hende move for di e sitio, cos a calma. E lugar mester a sera. Carnaval a pasa y marduga ainda tin hende cu no ta busca manera d bay cas.
