Cuerpo Policial Aruba a informa awe cu den cuadro di hiba un maneho transparente, cu a detene un colega di nan, esta e agente di Polis yama Gerardo “Owar” Ardila cu ta traha na Warda di Polis San Nicolas. Ta sospech’e di maltrato di su pareha. Parce cu no ta prome bes, pero e biaha aki si e dama a dicidi cu ta basta y a entrega keho. Segun Vocero di Polis, como cu investigacion ta andando, no por duna mas informacion riba contenido di e caso mes.
